Ջավախքի հայկական ՀԿ-ները Վրաստանի խարհրդարանական ընտրություններում հիմնական ուժերից ոչ մեկին չեն աջակցի

Ջավախքի հայկական ՀԿ-ները Վրաստանի խարհրդարանական ընտրություններում  հիմնական ուժերից ոչ մեկին չեն աջակցի

PanARMENIAN.Net - Խորհրդարանական ընտրությունների նախաշեմին, Սամցխե-Ջավախքի հայկական հասարակական կազմակերպությունների խորհուրդը դիմել է «Վրաստանի քաղաքական հիմնական ուժերին, առաջարկելով հանդիպումներ խորհրդի ներկայացուցիչների հետ, տեղեկանալու համար նրանց դիրքորոշմանը երկրամասի բնակչության խնդիրների մասին։ Քաղաքական հիմնական երկու ուժերը՝ իշխող «Միացյալ ազգային շարժում» կուսակցությունը և ընդդիմադիր «Վրացական երազանք-Ժողովրդավարական Վրաստան» դաշինքը չեն ընդառաջել ՍՋՀՀԿ խորհրդի դիմումներին։ Հասարակական կազմակերպությունների խորհուրդը այս առնչությամբ հայտարարություն է տարածել, որով, մասնավորապես, ասվում է. «Հաշվի առնելով, որ «Միացյալ ազգային շարժում» կուսակցության գլխավորած իշխանությունը անցած տարիների ընթացքում մեր երկրամասում ստեղծել են հալածանքի, սպառնալիքների ու վախի մթնոլորտ սարքովի և ուռճացված մեղադրանքներով ձերբակալելով, բանտարկելով, աշխատանքից ազատելով բազմաթիվ անհատների՝ քաղաքական-հասարակական ծանոթ գործիչներից սկսած մինչև իր հանապազօրյա հացի խնդիրը լուծող սովորական քաղաքացուն։ Իսկ գործող իշխանություններին գլխավոր մրցակից հանդիսացող «Վրացական երազանք-Ժողովրդավարական Վրաստան» դաշինքն իր նախընտրական ծրագրերում անդրադարձել է մեր երկրամասի բնակչությանը վերաբերող մի շարք խնդիրների, բայց դաշինքի ներսում ընդգրկված են նաև այնպիսի քաղաքական շրջանականեր, որոնք հազիվ թե հետևեն այդ սկզբունքներին:

Սամցխե-Ջավախքի հայկական հասարակական կազմակերպությունների խորհուրդը հայտարարում է, որ չի աջակցում այս քաղաքական ուժերից և ոչ մեկին։ ՍՋՀՀԿ խորհուրդը աջակցում է որպես մեծամասնական ընտրակարգի թեկնածու առաջադրված իր կազմում ընդգրկված կազմակերպությունների ներկայացուցիչներին: Կոչ ենք անում երկրամասի բնակչությանը ակտիվ մասնակցություն ցուցաբերել ընտրություններին և ցույց տալ, որ Ջավախքի հայությունը տեր է կանգնում իր իրավունքներին»։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---