Գյուղական համայնքների երկրորդ համաժողովի շրջանակում մեկնարկել են թեմատիկ խմբերի աշխատանքները 5 հոկտեմբերի 2012 - 16:50 AMT PanARMENIAN.Net - Ջերմուկում այսօր ընթացող Գյուղական համայնքների երկրորդ համաժողովի լիագումար նիստից հետո մեկնարկեցին թեմատիկ վեց խմբերի աշխատանքները: «Տարածքային համաչափ զարգացում, առաջանցիկ մեխանիզմների մշակում, հրատապ ծրագրերի ամփոփում» աշխատանքային խմբում, որը վարում է ՀՀ տարածքային կառավարման նախարարի առաջին տեղակալ Վաչե Տերտերյանը, մասնավորապես կքննարկվեն տարածքային համաչափ զարգացման արդյունավետ քաղաքականության իրականացմանն առնչվող հարցեր, կներկայացվեն վերջին տարիներին հանրապետությունում պետական բյուջեով և այլ աղբյուրներով իրականացված կապիտալ ներդրումները, պետական և մասնավոր կառույցների կողմից համայնքներում իրականացված ծրագրերը: «Տեղական տնտեսական զարգացումը և տեղական իշխանությունների դերը» աշխատանքային խմբում, որը վարում է տարածքային կառավարման նախարարի տեղակալ Արտաշես Բախշյանը, ուշադրության կենտրոնում կլինեն ՏԻՄ-գործարար հարաբերությունների բարելավման, ՏԻՄ-գործարար համագործակցության հնարավոր հեռանկարների, համայնքներում տնտեսական զարգացման գործում ՏԻՄ-երի դերի բարձրացման և այլ հարցեր: «Տեղական ինքնակառավարման մարմինների կողմից իրականացվող ծախսային քաղաքականության ընդհանուր մեթոդաբանության ձևավորում» աշխատանքային խմբում կներկայացվի ՏԻՄ –երի կողմից իրականացվող ծախսային քաղաքականության ներկա իրավիճակը, անդրադարձ կլինի արդյունավետ ծախսային քաղաքականության հարցերին: Կքննարկվեն նաև ՏԻՄ –երի կողմից իրականացվող ծախսային քաղաքականության մեթոդաբանության հետ կապված հարցեր: Քննարկումները վարում է «Համայնքների ֆինանսիստների միավորում»ՀԿ նախագահ Վահան Մովսիսյանը: «Տեղական ժողովրդավարություն, տեղական ինքնակառավարմանը բնակիչների մասնակցություն» աշխատանքային խմբում, որը վարում է «Քաունթերփարթ ինթերնեշնլ» կազմակերպության հայաստանյան գրասենյակի ղեկավար Ալեքս Սարդարը, կքննարկվեն ՏԻՄ օրենսդրական բարեփոխումներին, տեղական ինքնակառավարման գործընթացներին քաղաքացիների մասնակցությանը, տեղական ժողովրդավարության ամրապնդմանը վերաբերող և այլ հարցեր: «Տեղական եկամուտների վարչարարության խնդիրները» աշխատանքային խմբում մասնավորապես կքննարկվեն գույքահարկի և հողի հարկի օրենսդրական կարգավորմանը, օրենսդրության կիրառման ընթացքում ի հայտ եկող խնդիրներին, տեղական հարկերի վարչարարության հիմնախնդիրներին վերաբերող հարցեր և վարչարարության կատարելագործմանն ուղղված միջոցառումները: Քննարկումը վարելու է ԿԱ պետական եկամուտների կոմիտեի հարկ վճարողների սպասարկման և հարկման ընթացակարգերի վարչության պետի տեղակալ Արթուր Մանուկյանը: «Կոշտ կենցաղային թափոնների կառավարումը Հայաստանում» թեմայով աշխատանքային խմբում կներկայացվեն միջազգային ֆինանսական կազմակերպությունների և «Թափոնների կառավարում–ԵՀԳԳ Արևելք» տարածաշրջանային ծրագրի շրջանակում արդեն ավարտված, ինչպես նաև ընթացիկ և պլանավորված ծրագրերը, թափոնների կառավարման ոլորտում Վրաստանի փորձը: Անդրադարձ կլինի Վանաձոր, Ալավերդի քաղաքներում, Կոտայքի մարզում կոշտ թափոնների կառավարման մոդելներին, դրանք այլ համայնքներում կիրառելու, ինչպես նաև աղբահանության բնագավառում միջհամայնքային համագործակցության փորձի կիրառման հնարավորություններին: Քննարկումները կվարեն ՀՀ քաղաքաշինության նախարարության աշխատակազմի բնակարանային քաղաքականության և կոմունալ ենթակառուցվածքների վարչության բնակարանային ֆոնդի կառավարման և կոմունալ ենթակառուցվածքների բաժնի պետ Սամվել Սրապյանը և «Թափոնների կառավարում–ԵՀԳԳ Արևելք» ծրագրի համակարգող Արտեմ Խարազյանը: Աշխատանքային խմբերը քննարկումներից հետո կամփոփեն արդյունքներն ու առաջարկություններ կներկայացնեն, հայտւնում է ՏԿՆ հասարակայնության հետ կապերի բաժինը: Partner news  Ուշագրավ Գագիկ Մակարյան. Իսկ ո՞ւմ հաշվին է իրականացվելու սուբսիդավորումը Սնդդամթերքի անվտանգության ապահովումը ԵՄ հետ ազատ առևտրի մասին պայմանագրին Հայաստանի միանալու գլխավոր պայմաններից է Վահրամ Աթանեսյանն առաջարկեց համապատասխան տեղեկատվություն զետեղել օտարերկրյա ներդրողենրի համար Economist ամսագրում Նախօրեին ՀայՌուսգազարդ ընկերույունը դիմե«լ է Հանրային ծառայությունները կարգավորով հանձնաժողով և խնդրել է վերանայել գազի սակագինը   Partner news Ամենաընթերցվողը բաժնում |  Վերջին լուրեր Ր. Հովհաննիսյանը մեկնում է ԱՄՆ. Մեկ ամիս անց ազգային պայքար ենք սկսում  «Ուժ են ուզում, ուժ կստանան»,- ասաց նա և հույս հայտնեց, որ պայքարի նոր փուլում հաղթանակ կարձանագրեն առանց զոհերիԼիտվական ԶԼՄ-ների բացահայտումը․ Ադրբեջանի 12 միավորը գնված էր (վիդեո) Գործակալությունը տեսագրել է, թե ինչպես են երկու ռուսախոս տղամարդ փոխ առաջարկում՝ մասնակիցներից մեկի օգտին քվեարկելու համար։«Եվրատեսիլ-2013»-ն ավարտվեց․ Առաջին տեղում է Դանիան, Dorians-ը՝ 18-րդն է (վիդեո) Երկրորդ հորիզոնականում է Ադրբեջանը, երրորդը՝ Ուկրաինան, չորրորդը՝ Նորվեգիան․ առաջին հնգյակը եզրափակեց Ռուսաստանը։Արցախի պաշտպանական հատվածում հակառակորդը կրա՞կ է բացել. ՊԲ-ում խորհուրդ են տալիս ասեկոսներին չհավատալ ԼՂՀ ՊԲ մամուլի խոսնակ Սենոր Հասրաթյանն այսպես արձագանքեց ֆեյսբուքի «Մեր բանակը» էջի տարածած գրառումը |
