Երևանում տեղադրվեցին Պարույր Սևակի և Հրանտ Մաթևոսյանի արձանները  7 հոկտեմբերի 2012 - 18:22 AMTPanARMENIAN.Net - Երևանի քաղաքապետարանը շարունակում է իրականացնել «Մեր հանճարները մեր կողքին են» նախագիծը: Այդպես այսօր՝ հոկտեմբերի 7-ին, Մոսկովյան պուրակի հարևանությամբ՝ Իսահակյան փողոցի մայթի նստարանին, տեղադրվել է բանաստեղծ Պարույր Սևակի արձանը: Իսկ Եղիշե Չարենցի տուն-թանգարանի հարևանությամբ՝ Մաշտոցի պողոտային հարող այգում, տեղադրվել է գրող Հրանտ Մաթևոսյանի արձանը: Ինչպես նախկինում PanARMENIAN.Net ի թղթակցի հետ զրույցում հայտնել էր Երևանի քաղաքապետի խորհրդական Արամ Սուքիասյանը, հայ մեծերի արձաններ են տեղադրվելու նաև Աբովյան պուրակում, ևս մեկը՝ Շառլ Ազնավուրի հրապարակում և այլ բանուկ վայրերում: «Մինչև Էրեբունի-Երևանի տոնակատարությունները` հոկտեմբերի 14-ը, նախատեսվում է տեղադրել 9-12 արձան, սակայն մենք չենք պատրաստվում հրապարակել, թե ում արձաններն են լինելու դրանք: Այս նախագիծը քաղաքապետարանի անակնկալն է երևանցիներին, և արձանների տեղադրման օրվա ու վայրի մասին նախօրոք չի հայտարարվելու»,- նշել էր նա: Սեպտեմբերի 20-ին Շառլ Ազնավուրի հրապարակում` «Մոսկվա» կինոթատրոնի դիմաց, նստարաններին տեղադրվեցին Մհեր Մկրտչյանի և Եղիշե Չարենցի արձանները: Արձանների հեղինակն է Սուրեն Մելքոնյանը, իսկ պատրաստված են դրանք կավից: Partner news  Ուշագրավ «ДДТ»-ի լիդերը նշեց, որ մեծ ցանկություն ունի ճանաչել հայկական ռոքի ներկայացուցիչներին «Ոսկե Ծիրան» 10-րդ միջազգային կինոփառատոնը 96 երկրից 1200 հայտ է ստացել «Դիանա. Սիրո պատմությունը» ֆիլմի համաշխարհային պրեմիերան նախատեղված է 2013-ի օգոստոսին Ապրիլին «Փասիանի որսորդը» ստացել է ազգային կինոյի «Հայակ» մրցանակը` «լավագույն դեբյուտ» անվանակարգում   Partner news |  Վերջին լուրեր Ժնևում ընթացող համաժողովի ժամանակ թուրք պատվիրակը փորձել է պատասխանել Հրանուշ Հակոբյանին  ՀՀ սփյուռքի նախարարը հանդես եկավ ելույթով «Սփյուռքները և պետությունները» քննարկման ընթացքում:Փոխվարչապետը կմասնակցի Սանկտ Պետերբուրգի միջազգային տնտեսական համաժողովին Ա. Գևորգյանը կմասնակցի ներդրումների ներգրավման և տարածաշրջանների զարգացման թեմաներով քննարկումներինՆախագահ Սահակյանը կարևորում է Արցախի հարավ-արևելյան թևի զարգացումը Նա նշել է, որ այն ունի բոլոր նախադրյալներն ամբողջ հանրապետության տնտեսության առաջընթացի շարժիչը դառնալու համարԵրևանի 28 մանկապարտեզներում ընթանում են հիմնանորոգման աշխատանքներ Մշակութային օջախների ջեռուցման ծրագրի շրջանակում ամբողջությամբ ջեռուցվելու են նաև «Էրեբունի» արգելոց-թանգարանն ու Կարեն Դեմիրճյանի անվան թանգարանը |
