Էդգար Մանուչարյան. Մենք բազմիցս ենք ապացուցել, որ հզոր հավաքականների դեմ լավ ենք խաղում

PanARMENIAN.Net - «Իտալիան ուժեղ թիմ է, դրա համար էլ մենք լրջորեն ենք պատրաստվում կայանալիք հանդիպմանը: Իհարկե, հաղթելու շանս միշտ էլ կա: Հաճախ անգամ ֆավորիտներն են պարտվում, այդ պատճառով էլ չեմ կարծում, որ պետք է հետևել բուքմեյքերներին:

Մենք պայքարելու ենք միայն հաղթանակի համար»,- ասել է Հայաստանի հավաքականի հարձակվող Արթուր Սարկիսովը:

Իսկ կիսապաշտպան Էդգար Մանուչարյանի խոսքով, որը երկար ժամանակ չէր հրավիրվում հավաքական վնասվածքի պատճառով, նշել է, որ ուրախ է կրկին միանալու թիմին: Նա ընդգշել է, որ լավ մարզավիճակում է և պատրաստ է օգնել հավաքականին:

«Իտալիաի հավաքականը ուժեղ է, բայց մենք բազմիցս ենք ապացուցել, որ հզոր հավաքականների դեմ լավ ենք խաղում: Ամեն ինչ որոշվելու է խաղադաշտում: Ցավալի է, որ Մարկոս Պիզելին և Գևորգ Ղազարյանը կբացակայեն այս խաղում, բայց մենք պետք է փորձենք առանց նրանց հասնել արդյունքի»,- ընդգծել է Մանուչարյանը:

2014 թվականի աշխարհի առաջնության ընտրական B խմբի Հայաստան-Իտալիա հանդիպումը կայանալու է հոկտեմբերի 12-ին Երևանի ժամանակով ժամը 21:00-ին: