 Մանկավարժական համալսարանում բացվեց ՄԱԿ-ի անկյուն 11 հոկտեմբերի 2012 - 16:28 AMT PanARMENIAN.Net - Այսօր Հայկական պետական մանկավարժական համալսարանում տեղի ունեցավ ՄԱԿ-ի անկյան բացումը, որից հետո ուսանողները, համալսարանի դասախոսները, ՄԱԿ-ի աշխատակիցները, դիվանագիտական կորպուսի ներկայացուցիչները և լրագրողները նշեցին իսպաներենի՝ ՄԱԿ-ի պաշտոնական վեց լեզուներից մեկի օրը: Միջոցառումները կազմակերպել էին ՄԱԿ-ի հանրային տեղեկատվության վարչությունը և Հայկական պետական մանկավարժական համալսարանը: ՄԱԿ-ի ավելի քան հազար անուն հրատարակություն և մուլտիմեդիա նյութեր, որոնք ՄԱԿ-ի գրասենյակի կողմից տրամադրվել էին ՄԱԿ-ի անկյանը, կծառայեն երիտասարդներին ՄԱԿ-ի արժեքների և գործունեության վերաբերյալ իրազեկելու համար: Համալսարանի դասախոսներն ու ուսանողները ՄԱԿ-ի անկյունից կօգտվեն նաև ՄԱԿ-ի հետ կապված մշակութային և կրթական միջոցառումներ կազմակերպելիս: ՄԱԿ-ի անկյունը բացվեց համաձայն ՄԱԿ-ի հանրային տեղեկատվության վարչության և Հայկական պետական մանկավարժական համալսարանի միջև Համագործակցության ծրագրի, որը ստորագրվեց արարողության ընթացքում: Նշենք, որ 2010 թվականից ի վեր ՄԱԿ-ի հանրային տեղեկատվության վարչությունը (Նյու Յորք) հայտարարել է «ՄԱԿ-ում լեզուների օրեր» նախաձեռնության մեկնարկը՝ լեզվական և մշակութային բազմազանության խթանման նպատակով: ՄԱԿ-ի հանրային տեղեկատվության վարչության երևանյան գրասենյակը գործընկերների հետ նշում է ՄԱԿ-ի պաշտոնական բոլոր լեզուների օրերը: Partner news  Ուշագրավ Երևանի Խանջյան, Ալեք Մանուկյան, Տիգրան Մեծ փողոցներում այսօր դարձյալ խցանումներ են, որ արդեն մի քանի ժամ են տևում 2006 թվականի հունիսի 15-ին ընդունվել են «ՀՀ դրոշի մասին» և «ՀՀ զինանշանի մասին» օրենքները Ռիման արդեն մի քանի ամիս է` ապրում է ՍՕՍ մանկական գյուղում «Ծայրամասերից մարդիկ հասնում են կենտրոնո ու մնում շվարած, այդպես չի լինում»,-ասաց քանդակագործ   Partner news |  Վերջին լուրեր Արմավիրի մարզում նորից կարկուտ է տեղացել  Պարզվել է, որ կարկուտ է տեղացել միայն Սարդարապատ գյուղում, ինչի հետևանքով անձրևաջրերը լցվել են գյուղի 1-ին փողոցի թիվ 187 տան նկուղԱրցախում սկսվել է հացահատիկային մշակաբույսերի բերքահավաքը ԼՂՀ գյուղատնտեսության նախարարության տվյալներով՝ Արցախում հնձված է մոտ 10 հազար հեկտար դաշտ` հիմնականում գարուՊարտքի դիմաց անշարժ գույքից զրկված քաղաքացիները դիմել են ՄԻՊ-ին Քրեական գործն ուղարկվել է Արաբկիրի քննչական բաժին` լրացուցիչ նախաքննություն կատարելու համար |
