Շիֆ. Արցախի ժողովուրդը չպետք է ընկնի Ալիևի ձեռքը, որը, ներում շնորհելով մարդասպանին, իր իսկական դեմքը ցույց տվեց18 հոկտեմբերի 2012 - 15:34 AMT PanARMENIAN.Net - Եթե ԱՄՆ-ն ու ՄԽ մյուս երկրները կոնկրետ ջանքեր չգործադրեն Լեռնային Ղարաբաղի կարգավիճակի հարցը լուծելու համար՝ Արցախի ժողովրդի կամարտահայտության հիման վրա, ռազմական գործողությունների վերսկսման հեռանկարները գնալով ավելի իրական կդառնան: Այդ մասին հայտարարել է ԱՄՆ Ներկայացուցիչների պալատի անդամ Ադամ Շիֆը: Ըստ նրա, այդ խնդրի լուծումը բխում է համընդհանուր շահերից և այն պետք է 2013թ. դիվանագիտական առաջնահերթություն դառնա: Պատերազմի և տնտեսական մեկուսացման տարիները լուրջ խոչընդոտ էին Լեռնային Ղարաբաղի զարգացման ճանապարհին: ԱՄՆ հայ համայնքի աջակցությամբ ես պայքարում էի Արցախի համար օգնության ծավալների ավելացման օգտին: Եվ թեև ես հասա հաջողության, և բյուջեում ընդգրկվեց 5 մլն դոլարի օգնությանը հաջորդ ֆինանսական տարվա համար, իրական օգնությունը շատ ավելի մեծ պետք է լինի»,-ասել է Ադամ Շիֆը: Շիֆը հավելել է նաև, որ հզոր, անկախ Արցախի ստեղծումը միայն խնդրի կեսն է: Ադրբեջանը պետք է հասկանա, որ նրա գործողությունների գինը շատ մեծ կարող է լինել: Ադրբեջանը ռազմական օգնություն է ստանում ԱՄՆ-ից ոչ թե միջոցների կարիքը ունենալու համար, այլ այն պատճառով, որ դա հանդիսանում է երկկողմ սերտ հարաբերությունների դրսևորում: Նվազեցնելով ռազմական օգնությունն Ադրբեջանին՝ ԱՄՆ-ն իր բացասական վերաբերմունքը ցույց կտա Բաքվում մարդասպանին ազատ արձակելուն, ինչպես նաև կհիշեցնի Ալիևին, որ հանգիստ չի ընկալելու ագրեսիայի դրսևորումները Հայաստանի կամ Արցախի հանդեպ: Արցախի ժողովուրդը՝ հիմնականում հայ և քրիստոնյա, չպետք է ընկնի Ալիևի ձեռքը: Ներելով մարդասպանին և իր իսկական դեմքը ցույց տալով աշխարհին՝ նա և իր երկիրը ամենահամոզիչ ապացույցները ներկայացրեցին Արցախի անկախության շուտափույթ ճանաչման օգտին, եզրակացրել է Ադամ Շիֆը: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից |