2012-ի 9 ամիսների «Ամերիաբանկի» մաքուր շահույթը կազմել է 4,7 մլրդ դրամ23 հոկտեմբերի 2012 - 14:33 AMT PanARMENIAN.Net - 2012-ի առաջին 9 ամիսների ընթացքում «Ամերիաբանկ» ՓԲԸ-ն 2011-ի նույն շրջանի համեմատ ապահովել է շահույթի աճ 60 տոկոսով` մինչև 5,9 մլրդ դրամ: Այդ մասին հոկտեմբերի 23-ին Երևանում մամլո ասուլիսում հաղորդել է «Ամերիաբանկ» ՓԲԸ-ի ֆինանսական տնօրեն Գևորգ Թառումյանը: Միաժամանակ, նրա խոսքով, այդ ցուցանիշի աճն ընթացիկ տարվա երրորդ եռամսյակում կազմել է շուրջ 86 տոկոս: Այդ առումով նա հավելել է, որ 2012-ի 9 ամիսների արդյունքներով բանկի մաքուր շահույթը կազմել է 4,7 մլրդ դրամ` 2011-ի նույն շրջանի համեմատ ապահովելով 59-60 տոկոս աճ: «Երրորդ եռամսյակի արդյունքներով մաքուր շահույթը կազմել է 87 տոկոս»,- հավելել է բանկի ֆինանսական տնօրենը: Թառումյանը նաև հիշեցրել է, որ եթե 2011-ին բանկն այդ ցուցանիշով զբաղեցրել է չորրորդ տեղը Հայաստանի բանկային համակարգում, ապա հիմա արդեն երկրորդ տեղում է, բացի դրանից, աճ է արձանագրվել ինչպես ակտիվների, պարտավորությունների գծով, այնպես էլ վարկային ներդրումների: Թառումյանը կարևորել է նաև հաշվետու շրջանում բանկի հաճախորդների թվի աճը. իրավաբանական անձնանց` 10 տոկոսով, ֆիզիկական անձանց` 20 տոկոսով, «ինչը բանկի նկատմամբ հաճախորդների վստահության արդյունք է»: Իր հերթին «Ամերիաբանկի» զարգացման գծով տնօրեն Տիգրան Ջրբաշյանը հավելել է, որ հիմնական ցուցանիշներով բանկին հաջողվել է միջինում ապահովել 30-40 տոկոս աճ բանկի ռազմավարության և բիզնես-ծրագրի իրագործման հաշվին, այդ թվում` որպես գերակա ուղղություններ ընտրված փոքր և միջին ձեռնարկատիրության և ռիթեյլի հաշվին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Նախարար․ 2026–ից բուհ կընդունվեն դպրոցական ավարտական քննությունների արդյունքներով Տավուշի մարզում 2021–22 թվականներից փորձարկվում է հանրակրթության նոր չափորոշիչը Ամառային զոչակոչը կմեկնարկի ապրիլի 29–ից Կզորակոչվեն նաև մինչև 2024–ի մարտի 1-ը կամավոր հիմունքներով ծառայություն անցնելու դիմում ներկայացրած իգական սեռի անձինք Չիլիում ապրիլի 24-ը հայտարարվել է Հայոց ցեղասպանության զոհերի հիշատակի ազգային օր Պատգամավորների պալատը հավանություն է տվել Քաղաքացիները փակել են Երևան–Գյումրի ճանապարհը․ Փակ են նաև դեպի Սևան և Իրան տանող մայրուղիները Հայաստան-Իրան միջպետական ճանապարհը փակ է Տիգրանաշենի հատվածում |