Աշոտ Մարտիրոսյան. ՀՀ էներգետիկ անվտանգությունն առանց նոր ատոմակայանի անհնար է 2 նոյեմբերի 2012 - 13:50 AMT PanARMENIAN.Net - Ցանկացած ատոմակայան բարձր վտանգի ռիսկ է, նույնիսկ ամենաարդիականը, գտնում է ՀՀ կառավարությանն առընթեր միջուկային անվտանգության կարգավորման պետական կոմիտեի նախագահ Աշոտ Մարտիրոսյանը: «Գործող էներգաբլոկը միայն հին լինելու պատճառով կանգնեցնելու պահանջները հիմնավորված չեն»,-ասաց նա նոյեմբերի 2-ին լրագրողներին՝ մեկնաբանելով Հայաստանի որոշ հարևան երկրների, մասնավորապես, Ադրբեջանի պահանջները ՀԱԷԿ-ի աշխատանքը դադարեցնելու մասին: Աշոտ Մարտիրոսյանն առաջարկել է «չկամեցողներին» գեթ մեկ փաստարկ ներկայացնել այն բանի, որ ՀԱԷԿ-ը չի համապատասխանում անվտանգության որևէ չափանիշի: «Բոլոր այդ հայտարարությունները քաղաքական բնույթ են կրում, դրանց համար տեխնիկական ոչ մի հիմնավորում չկա»,-ասել է նա: Նա նշել է, որ ՀԱԷԿ անվտանգությունը համադրելի է նույնատիպ ատոմակայնների հետ, որոնք գործում են Ռուսաստանում, Ուկրաինայում, Ֆինլանդիայում, Չեխիայում ու Սլովակիայում: Նա նաև մեկնաբանել է Ադրբեջանի պահվածքը Հայաստանի հետ հնարավոր պատերազմի դեպքում: «Ես գիտեմ, թե ինչ է մտածում Ադրբեջանը, սակայն եթե նրանք լուրջ մարդիկ են, չպետք է մտածեն դրա մասին, եթե արկածախնդիրներ են՝ դրա համար պետք է հատեն Հայաստանի օդային տարածքը և կհանդիպեն համապատասխան դիմադրության»,-ասել է նա: Նոր ատոմային էներգաբլոկի կառուցումը Հայաստանի գերակայությունների թվում է: Ըստ Աշոտ Մարտիրոսյանի, այժմ նորմատիվ բազայի ստեղծման աշխատանք է տարվում, որը պետք է ապահովի էներգաբլոկի անվտանգությունը, ՄԱԳԱՏԷ-ի ու ԱՄՆ փորձագետների ու գործընկերների հետ համատեղ: «Ըստ ատոմային էներգետիկայի զարգացման հայեցակարգի, ՀՀ էներգետիկ անվտանգությունն առանց նոր ատոմակայանի անհնար է»,-ասել է նա: Աշոտ Մարտիրոսյանը չի հրապարակել նոր էներգաբլոկի կառուցման մեկնարկային ժամկետներն ու ֆինանսավորման աղբյուրները՝ հայտնելով միայն, որ արդեն ընտրված է հարթակը, որն արժանացել է միջազգային փորձագետների հավանության: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |