Երևանում կբացվի Պետերբուրգի նկարչական դպրոցի ներկայացուցիչ Ալեքսանդր Նեկրասովի ցուցահանդեսը 8 նոյեմբերի 2012 - 16:12 AMT PanARMENIAN.Net - Նոյեմբերի 10-ին Ռուսական արվեստի թանգարանում (պրոֆ. Արամ Աբրահամյանի հավաքածու) կբացվի «Ալեքսանդր Նեկրասով. Գեղանկարչություն» խորագրով առաջին անհատական ցուցահանդեսը: Այս մասին PanARMENIAN.Net ի թղթակցին հայտնեց թանգարանի աշխատակից Հասմիկ Իսաղուլյանը: Հեղինակը հանրությանն է ներկայացնելու թվով 28 (բնանկարներ, դիմանկարներ և ավետարանական թեմաներով աշխատանքներ) ստեղծագործություններ: Ալեքսանդր Նեկրասովը հայտնի է Պետերբուրգի նկարիչների և արվեստաբանների շրջաններում ոչ միայն որպես գեղանկարիչ, այլև Պետերբուրգում ժամանակակից արվեստի առաջին թանգարանի հիմնադիր: Սկզբնական շրջանում այն գործում էր որպես հասարակական կազմակերպություն, իսկ հետագայում ստացավ «Ցարսկոսելսկի հավաքածու» պետական թանգարանի կարգավիճակը: Մոտ 20 տարվա ընթացքում թանգարանի ֆոնդերում կուտակվել և պահպանվում են ավելի քան 5000 գեղարվեստական ստեղծագործություններ` հիմնականում լենինգրադյան ավանգարդի, վերլուծական արվեստի և հետպատերազմյան անդերգրաունդի, այն գեղանկարիչների աշխատանքները, որոնք ժամանակին արգելված էին, իսկ ներկայումս դարձել են իրենց սերնդի նշանակալից դեմքեր: Ալեքսանդր Նեկրասովը սահմանափակ հնարավորություններով մարդկանց համար Սանկտ-Պետերբուրգում անցկացվող «Ցարսկոսելսկի Վերնիսաժ» ամենամյա գեղարվեստի փառատոնի հիմնադիրն ու կազմակերպիչներից մեկն է: 1991 թ.-ից նա Ռուսաստանի նկարիչների միության անդամ է: 2012 թ-ից կազմակերպում է «Դեղին եռանկյունի» ցուցահանդեսների շարքը, որոնցում մասնակցում են նկարիչներ Պետերբուրգից և Լատվիայից: Երևանյան ցուցահանդեսը կշարունակվի մինչև նոյեմբերի 28-ը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ծիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ Երևանում անհնազանդության ակցիաներ են. Փողոցներ են փակվում, կառավարության դիմաց ցույց է Քաղաքացիների կողքին ընդդիմադիր պատգամավորներ կան Նախարար․ 2026–ից բուհ կընդունվեն դպրոցական ավարտական քննությունների արդյունքներով Տավուշի մարզում 2021–22 թվականներից փորձարկվում է հանրակրթության նոր չափորոշիչը |