 6 18.12.12 - Ալեն Դելոնը այցելեց Ծիծեռնակաբերդ           Ալեն Դելոնը այցելել է Հայոց ցեղասպանության զոհերի հուշահամալիր   18 դեկտեմբերի 2012 - 16:04 AMTPanARMENIAN.Net - Աշխարհահռչակ ֆրանսիացի դերասան Ալեն Դելոնն այցելել է Ծիծեռնակաբերդի Հայոց ցեղասպանության զոհերի հուշահամալիր: Նա «այցելության է գնացել» եղևնուն, որը տնկել է Ֆրանսիայի նախագահը Հիշողության պուրակում: Հանրահայտ ֆրանսիացի դերասան Ալեն Դելոնը դեկտեմբերի 17-ի երեկոյան ժամանեց Երևան: Ճանաչված դերասանը Հայաստանում է դեկտեմբերի 18-ին «Մոսկվա» կինոթատրոնում իր մասնակցությամբ «Շնորհավոր Նոր տարի, մայրիկներ» (“С новым годом, Мамы!”) ֆիլմի պրեմիերային ներկա գտնվելու համար: Ֆիլմի ցուցադրությունները կինոթատրոնում կմեկնարկեն դեկտեմբերի 27-ից: Դելոնի հետ միասին պրեմիերային ներկա կլինեն նաև ֆիլմի դերասանական կազմի ևս մի քանի դերասաններ, այդ թվում՝ Կոնստանտին Կրյուկովն ու Իրինա Ռոզանովան: Ֆիլմի պրոդյուսերներն են Ղևոնդ Անդրեասյանը, Գեորգի Մալկովը, իսկ համապրոդյուսերը Վալերի Սահարյանն է: «Շնորհավոր Նոր տարի, մայրիկներ» ֆիլմը 5 տարբեր ռեժիսորների` Սարիկ Անդրեասյանի, Դմիտրի Գրաչովի, Արտյոմ Մաքսիմենկոյի, Անտոն Բորմատովի և Կլիմ Պոպլավսկու նովելներից բաղկացած կինոալմանախ է: Ռոմանտիկ կատակերգության հիմնական մասը նկարահանվել է Ռուսաստանում, իսկ Ալեն Դելոնի մասը` Ֆրանսիայում: Ֆիլմի գլխավոր թեման մայրերի հանդեպ սերն է. գլխավոր հերոսը փորձում է իրականացնել իր մոր երազանքը, որն ամբողջ կյանքում երազել է տեսնել Ալեն Դելոնին: Հերոսուհին կազմակերպում է այցը Փարիզ, որտեղ էլ նրա մայրը պատահական հանդիպում է Ալեն Դելոնին: Ֆիլմի բյուջեն կազմել է 6 միլիոն դոլար, տևողությունը 90 րոպե է: Մոսկովյան պրեմիերան տեղի կունենա մեկ օր անց` դեկտեմբերի 19-ին:  Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր ԱԳՆ․ 2020-23-ին ականատես եղանք հերթական էթնիկ զտման քաղաքականությանն ու դրա հետևանքներին  Նշվում է, որ ՀՀ–ն շարունակում է ակտիվ ներգրավածությունը ցեղասպանության հանցագործության դեմ պայքարումՄակրոն․ Ֆրանսիայում նշում են Հայոց ցեղասպանության տարելիցը «Չմոռանաք՝ հայերն ու ֆրանսիացիները հավերժ կապված են»,–գրել է նաԷրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նաՏասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբ |
