Ր.Հովհաննիսյանը կարևորել է Հրազդանի արդյունաբերական ներուժի վերականգնումը 8 փետրվարի 2013 - 21:28 AMT PanARMENIAN.Net - ՀՀ նախագահի թեկնածու Րաֆֆի Հովհաննիսյանն այսօր այցելել է Կոտայքի մարզի Պռոշյան գյուղ, որտեղ հանդիպում է ունեցել ընտրողների հետ: Այս մասին PanARMENIAN.Net ին տեղեկացնում են թեկնածուի նախընտրական շտաբից: Կարճ ելույթի ավարտին Հովհաննիսյանը, հանձին պռոշյանցի փառապանծ ազատամարտիկ և հրամանատար Կարոտի, հարգանքի տուրք է մատուցել բոլոր զոհված ազատամարտիկների հիշատակին՝ ծաղիկներ դնելով նրանց հուշարձանին: Հաջորդ հանդիպումը Եղվարդում էր: Թեկնածուն քայլել է քաղաքի փողոցներով, շփվել ընտրողների հետ, ընդունել մարդկանց զորակցությունը և լսել հորդորներն ու առաջարկները: Այնուհետև նա մեկնել է Հրազդան, որտեղ դահլիճային հանդիպումը փոխարինվել է բացօթյա հավաքով, քանի որ սկսվել է նախատեսվածից ուշ և մասնակիցների թիվը ավելին էր, քան դահլիճի տարողունակությունը: Խոսելով երկրում բարձր վարձատրվող նոր աշխատատեղերի ստեղծման մասին, Հովհաննիսյանը հատկապես կարևորել է Հրազդանի երբեմնի արդյունաբերական հզոր ներուժի վերականգնումը, ինչը պետական հոգածություն է պահանջում: «Ահագնացող արտագաղթի հիմնական պատճառներից մեկը հենց բարձիթողի այս վիճակից ածանցվող գործազրկությունն է»,- համոզմունք հայտնեց նախագահի թեկնածուն: Իր քարոզչությունը Րաֆֆի Հովհաննիսյանն ավարտել է Աբովյանում: Հանդիպումը կայացել է քաղաքի գլխավոր դալիճներից մեկում: Լեփ-լեցուն դահլիճը բազմիցս ընդհատել է Հովհաննիսյանի խոսքը ծափահարություններով: Հանդիպումն ավարտվել է Հովհաննիսյանի կոչով` «Մեկ անգամ մեզ պահենք սեփական հայրենիքի իսկական տիրոջ պես», և «Հայաստան» բացականչություններով: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |