Փորձագետ. Վիրահայերը չպետք է խառնվեն Վրաստանի քաղաքական գործընթացներին

Փորձագետ. Վիրահայերը չպետք է խառնվեն Վրաստանի քաղաքական գործընթացներին

PanARMENIAN.Net - Վրաստանում ընդդիմութան և իշխանության միջև բախումների հետևանքով իրավիճակը բավականին լարված է: Այս մասին այսօր լրագրողների հետ հանդիպման ժամանակ ասաց Վրաստանի հարցերով փորձագետ, Քաղաքական և իրավական հետազոտությունների կենտրոնի ղեկավար Ջոնի Մելիքյանը՝ անդրադառնալով Վրաստանի ներքաղաքական զարգացումներին: Բանախոսի խոսքով՝ քաղաքական վիճակը սրվեց, երբ վարչապետ Իվանիշվիլին իշխանության գալուց հետո ազատ արձակեց Սահակաշվիլիի պաշտոնավարման ժամանակ քաղաքական դրդապատճառներով ձերբակալված անձանց, որոնք խոչընդոտել են Վրաստանի նախագահ Սահակաշվիլիի ամենամյա հաշվետվության անցկացումը:

«Չեմ կարծում, որ մեծամասնություն կազմող «Վրացական երազանք»-ը կկարողանա ստիպել Սահակաշվիլիին հրաժարվել իշխանությունից, ոչ մի ուժ չի պատրաստվում զիջել: Ցույցերը ապացուցում են, որ երկրում վիճակն այնքան էլ լավ չէ, այսօրվա դրությամբ կանխատեսել Վրաստանում որևէ բան շատ դժվար է»,-նշեց փորձագետը:

Ըստ Մելիքյանի՝Վրաստանի հայությունը պետք է իր գործն անի ու չխառնվի քաղաքական գործընթացներին, քանի որ քաղաքական վիճակը դեռևս մնում է անկանխատեսելի, իսկ այսօրվա իշխանությունը կարող է վաղը դառնալ ընդդիմություն:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---