Կարեն Գրիգորյանը Ռոշֆորի շախմատի մրցաշարի ավարտից 2 տուր առաջ առաջատարն է
Միջազգային վարպետ Կարեն Գրիգորյանը Ֆրանսիայի Ռոշֆոր քաղաքում անցկացվող մրցաշարում յոթ տուրից հետո 5,5 միավորով գլխավորում է աղյուսակը:
Նույնպիսի արդյունք ունի գրոսմայստեր Դավիթ Ջոջուան (Վրաստան), բայց նա հայ շախմատիստին զիջում է լրացուցիչ ցուցանիշներով:
Գրոսմայստեր Սամվել Տեր-Սահակյանը վաստակել է 5 միավոր և զբաղեցնում է երրորդ տեղը:
Մինչև մրցաշարի ավարտը մնում է երկու տուր:
