Դասերից ազատ ժամանակ դպրոցականները կզբաղվեն ռոբոտաշինությամբ27 փետրվարի 2013 - 13:37 AMT PanARMENIAN.Net - Այսօր ռոբոտաշինությունը աշխարհում ամենահեռանկարային ճյուղերից է, որտեղ պահանջարկն առաջիկա 20 տարում աճելու է: Հաշվի առնելով այդ միտումները, այսօր արդեն Հայաստանի համար արդիական է ռոբոտաշինությամբ հետաքրքրվող երիտասարդ սերունդ աճեցնելը: Այդ նպատակով Ինֆորմացիոն Տեխնոլոգիաների Ձեռնարկությունների Միությունը (ԻՏՁՄ) ՎիվաՍել-ՄՏՍ ընկերության, Քրոնիմետ բարեգործական հիմնադրամի, Վորլդ Վիժն Հայաստանի և Քաունթերփարթ Ինթերնեշնլ Հայաստանի հետ համագործակցությամբ, Հայաստանի 50 դպրոցներում նախատեսում է ստեղծել ռոբոտաշինության խմբակներ, որտեղ երեխաները կծանոթանան ուսումնական ռոբոտի պատրաստի մոդելի հետ: Ուսումնական ռոբոտների պատրաստման համար կօգտագործվեն LabVIEW - Microsoft Robotics Studio ծրագրերը: Ծրագրի կազմակերպիչները ապրիլ-մայիսին կայցելեն համայնքներ, համապատասխան ուսուցիչ ընտրելու նպատակով: Դպրոցական խմբակներում դասընթացները նախատեսված են 2013թ.-ի սեպտեմբերից: Ծրագրի շրջանակներում` հունիս-հուլիս ամիսներին, նախատեսվում է նաև համապատասխան դպրոցների ուսուցիչների վերապատրաստում: Այսօր ռոբոտաշինության խմբակներ կան Երևանում գործող Այբ դպրոցում, Քվանտ և Պոլիտեխնիկ վարժարաններում, իսկ մարզերից` Լոռիում (Ախթալա), Սյունիքում (Սիսիան, Կապան), Շիրակում (Գյումրի) և Արագածոտնում (Թալին): Եթե հաշվի առնենք, որ ՏՏ ոլորտը վերջին տարների երկնիշ աճ է գրանցում, ապա կարելի է ենթադրել, որ ռոբոտների արտադրությունը կարող է դառնալ մեր երկրի մրցակցային առավելությունը: 2012թ. ՏՏ ոլորտի աճը կազմել է 20 տոկոս, իսկ ոլորտի ընդհանուր շրջանառությունը հասել է 250 մլն դոլարի, արտահանումը կազմել է 60 տոկոս, իսկ աշխատատեղերի ու նոր ընկերությունների աճը կազմում է 10 տոկոս; ՏՏ ոլորտի ընկերությունների ընդհանուր թիվը հասնում է Հայաստանում 400: Ղեկավարվելով այն իրողությամբ, որ ռոբոտաշինության զարգացումը մեր երկրի մրցունակության ամրապնդման հեռանկարներից մեկն է, ՎիվաՍել-ՄՏՍ-ը հնարավոր բոլոր միջոցներով աջակցում է այդ ոլորտի զարգացումը խրախուսող նախաձեռնություններին: Դպրոցականին հատուկ ոգևորությունը, հետաքրքրությունը, նորը սովորելու և յուրացնելու աշակերտների ներքին պահանջը դպրոցը դարձնում են իդեալական միջավայր`Հայաստանում ռոբոտաշինության ուղղությամբ ամուր հիմքեր ստեղծելու համար: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Զախարովա․ ՌԴ–ն ՀՀ-ից հստակ արձագանքի է սպասում ԱՄՆ և ԵՄ հետ «ռազմաքաղաքական պայմանավորվածությունների մասին» Ըստ նրա, տեղեկություններ են հայտնվել, որ ապրիլի 5–ի հանդիպմանը ռազմաքաղաքական ոլորտին առնչվող պայմանավորվածություններ են ձեռք բերվել ՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննություն Երևանի կոնյակի գործարանը սկսել է ստորագրել խաղողի գնման պայմանագրերը Յուրաքանչյուր 1 կգ-ի դիմաց կվճարվի 140 դրամ Վարդենիսում 13-ամյա աղջկա են բռնաբարել. Նրա վիճակը ծանր է Քննչական կոմիտեի մամուլի խոսնակ Գոռ Աբրահամյանը հայտնել է, որ նախաձեռնվել է քրեական վարույթ |