Երևանում բացվել է Caucasus Travel Show միջազգային զբոսաշրջային ցուցահանդեսը

1 մարտի 2013 - 14:38 AMT

PanARMENIAN.Net - Մարտի 1-ին Երևանում մեկնարկեց 12-րդ միջազգային Կովկասյան զբոսաշրջային ցուցահանդեսը (Caucasus Travel Show, CTS): Այս տարվա ցուցահանդեսին մասնակցում են ավելի քան 75 կազմակերպություններ, որոնցից 58-ը` ՀՀ 11 մարզերից: Երկօրյա միջոցառման կազմակերպիչներն ակնկալում են այցելուներ Թուրքիայից, Վրաստանից, Հունաստանից, Եգիպտոսից, Արգենտինայից, Արաբական Միացյալ Էմիրություններից և Հայաստանի զբոսաշրջային ոլորտով հետաքրքրված այլ երկրներից: Ցուցահանդեսին մասնակցում է նաև Զբոսավարների համաշխարհային ֆեդերացիայի նախագահ Ֆելիսիթաս Վրեսինգը:

Զբոսաշրջության ոլորտը գերակա է համարվում Հայաստանում, ասաց Հայաստանի էկոնոմիկայի փոխնախարար Արա Պետրոսյանը միջոցառման բացման խոսքում: Այս ոլորտում աճ է գրանցվում: Նա նշեց, որ ներգնա զբոսաշրջության ոլորտում Հայաստանում 2012թ. 11,3 տոկոս աճ է արձանագրվել կամ 85 հազար զբոսաշրջիկ ավելի 2011 թվականի համեմատ՝ հասնելով 843 330 հազար մարդու: Աճի նման տեմպերի դեպքում Հայաստանը հուսով է, որ առաջիկա երկու տարում այդ ցուցանիշը կհատի 1 միլիոնի սահմանագիծը: 2012թ. Հայաստան այցելած զբոսաշրջիկների մեծ մասը հիմնականում եվրոպական երկրներից էին, մասնավորապես, Գերմանիայից ու Ֆրանսիայից, ակտիվացել են նաև հոսքերն Իսպանիայից: Եվրոպայից հետո Հայաստան այցելած զբոսաշրջիկների քանակով հաջորդում են Ռուսաստանը, ԱՄՆ-ն, Ճապոնիան ու Իրանը:

Անդրադառնալով տարածաշրջանային ցուցահանդեսի անցկացմանը Հայաստանում՝ Արա Պետրոսյանը հույս հայտնեց, որ մարտի 1-ը կարող է խորհրդանշական օր դառնալ զբոսաշրջային ցուցահանդեսների անցկացման համար: Փոխնախարարը նաև ուշադրությունը հրավիրել է այն հանգամանքի վրա, որ այս տարի ընդլայնվել է Caucasus Travel Show-ի մասնակիցների աշխարհագրությունն ու մասնակիցների թիվը, շատ են մասնակիցները ՀՀ մարզերից ու ԼՂՀ-ից: «Դա նշանակում է, որ զբոսաշրջության ոլորտը Հայաստանում զարգացման անդառնալի ուղու վրա է»,-ասել է Արա Պետրոսյանը:

1999 թվականից անցկացվող այս միջոցառումն արդեն դարձել է զբոսաշրջային օպերատորների և զբոսաշրջության ոլորտի ներկայացուցիչների հանդիպման և գործնական կապերի հաստատման հարթակ:

Մասնակցում են նաև զբոսաշրջային գործակալություններ, հյուրանոցներ ու հանգստյան տներ, ավիաընկերություններ, զբոսաշրջային կրթական հաստատություններ, հասարակական կազմակերպություններ, զբոսաշրջության ոլորտը լուսաբանող ամսագրեր ու լրատվական գործակալություններ: Մարտի 1-ից 2-ը ցուցահանդեսի մասնակիցները հնարավորություն կունենան գործնական կապեր հաստատելու զբոսաշրջային ծառայություններ մատուցող տեղական և միջազգային ընկերությունների հետ: Այս տարի ցուցահանդեսի շրջանակում կկազմակերպվի աշխատանքի տոնավաճառ զբոսաշրջային կրթություն տրամադրող հայաստանյան կրթական հաստատությունների ուսանողների և շրջանավարտների համար, ինչպես նաև միջազգային զբոսաշրջիկների ճանաչողական շրջայց:

Ցուցահանդեսը կազմակերպել են Ճամփորդական գործակալների հայկական միությունը և Ճամփորդական գործակալների ամերիկյան միության հայկական մասնաճյուղը՝ ՀՀ էկոնոմիկայի նախարարության հովանու ներքո:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով