Քաղաքական երկխոսություն. «Ժառանգությունը» ճշտել է նշաձողը, որից այն կողմ չի գնալու

Քաղաքական երկխոսություն. «Ժառանգությունը» ճշտել է նշաձողը, որից այն կողմ չի գնալու

PanARMENIAN.Net - Կոալիցիոն կառավարություն «Ժառանգություն» կուսակցության մասնակցությամբ չի լինելու, վստահեցնում է «Ժառանգության» փոխնախագահ, խմբակցության ղեկավար Ռուբեն Հակոբյանը:

«Կոալիցիան ուրիշ բան է, մեր մոտեցումներով կարող ես լինել ընդդիմություն և մաս կազմել պետական կառավարման համակարգին: Հասկանալի է, որ սա կոալիցիա չէ»,- Ազատության հրապարակում մամուլի ասուլիսի ժամանակ ասաց Ռուբեն Հակոբյանը: Ռուբեն Հակոբյանը առաջարկեց տարանջատել երկխոսությունը բանակցությունից և համագործակցությունից: Նրա կարծիքով` երկխոսությունն այն է, երբ ցանկություն են հայտնում նստել զրուցելու, այլ հարց է` այդ երկխոսությունը կարո՞ղ է դառնալ բանակցություններ, թե՝ ոչ:

Անդրադառնալով ՀԱԿ-ի իշխանությունների հետ երկխոսության նախադեպին` Ռուբեն Հակոբյանը նշեց, որ տառապանքի փորձով շատերը իրենց խորհուրդ են տալիս չգնալ երկխոսության, քանի որ «գցողներ են»: «Բայց եթե նախադեպը կա, դա չի նշանակում, որ մենք պետք է վախենանք և չգնանք երկխոսության` մտածելով, որ կարող են իրենց խաբել, «գցել» կամ ոչինչ չանել: Մենք ճշտել ենք նշաձողը, որից այն կողմ չենք գնալու, այն ծրագիրը, որ ներկայացրել ենք, պետք է հարգվի»,- ասաց «Ժառանգության» փոխնախագահը:

Նա նկատեց, որ եթե իշխանությունները դրական են տրամադրված, ապա հում, եփած, կիսաեփած բառերը տեղ չունեն, պետք է դրանից հեռու մնալ: «Ես չգիտեմ, թե ով է խորհուրդ տվել, որ Սերժ Սարգսյանը գրի հում առաջարկությունը, մեր պատասխանի մեջ չկար ձեր շատ եփած առաջարկությունը արտահայտությունը, հում, եփած, կիսաեփած բառերից խորհուրդ կտայի հեռու մնալ»,- ասաց նա և ավելացրեց,- «Րաֆֆի Հովհաննիսյանը կորոշի գնում է նախագահական նստավայր, թե՞ պատրաստ է Սերժ Սարգսյանին ընդունել միայն Ազատության հրապարակում: Մինչ հացադուլը նա հայտարարել էր, որ ցանկացած պահի կգնա ցանկացած նստավայր, բայց հացադուլը որոշակի նոր կարգավիճակ է ստեղծում»:

 Ուշագրավ
Ֆրանսիական Le Figaro-ում որոշակի կրճատումներով հրապարակվել է Հայաստանի արտգործնախարար Էդվարդ Նալբանդյանի հոդվածը
Սերժ Սարգսյանն օգոստոսի 24-ին այցելել է «Միասին-2014» համահայկական երիտասարդական կրթական ֆորումի վրանային ճամբար
Հովիկ Աբրահամյանը նաև անդրադարձել է վերջին օրերին սահմանի լարված իրավիճակին