Հայաստանի երիտասարդական հավաքականը Մարտին Սարգսյանի գլխավորությամբ այսօր երեկոյան կմեկնի Սանկտ Պետերբուրգ, որտեղ ապրիլի 20-21-ին կմասնակցի ձյուդոյի Եվրոպայի գավաթի խաղարկությանը:
PanARMENIAN.Net-ի թղթակցի հետ զրույցում ձյուդոյի ֆեդերացիայի փոխնախագահ, միջազգային կարգի մրցավար Դավիթ Խիթարյանն ասել է, որ Գավաթից հետո հայ մարզիկները Պետերբուրգում կմասնակցեն համատեղ հավաքի, որը կտևի մինչև ապրիլի 24-ը:
«Հավաքին կմասնակցեն Գավաթի բոլոր մասնակիցները շուրջ 15 թիմերից»,-ասել է Խիթարյանը:
Եվրոպայի գավաթին կմասնակցեն Երջանիկ Կարապետյանը (48 կգ), Գարիկ Հարությունյանը և Վահագն Հովսեփյանը (55 կգ), Նարեկ Կարապետյանը (60 կգ), Դավիթ Ղազարյանը և Արսեն Ղազարյանը (66 կգ), Արտավազդ Հովսեփյանն ու Դավիթ Նիկողոսյանը (73 կգ):