// IP Marketing video - START// IP Marketing video - END

Բեյրութ-Երևան առաջին չվերթը տեղի կունենա հուլիսի 5-ին

Բեյրութ-Երևան առաջին չվերթը տեղի կունենա հուլիսի 5-ին

PanARMENIAN.Net - «Լիբանանյան ավիաուղիները» վերսկսում են ուղիղ հաղորդակցությունը Բեյրութի և Երևանի միջև: «Լիբանանյան ավիաուղիների» բանակցությունները Հայաստանի համապատասխան մարմինների հետ վերջին փուլում են։ Ինչպես PanARMENIAN.Net ին է հայտնել Բեյրութում լույս տեսնող «Ազդակ»-ի գլխավոր խմբագիր Շահան Քանդահարյանը, առաջին չվերթը տեղի կունենա հուլիսի 5-ին:

Ուղիղ չվերթները Լիբանանի ու Հայաստանի միջև դադարեցվել էին «Արմավիայի» սնանկության պատճառով: Երևանից Բեյրութ կարելի էր հասնել Դուբայով:

«Կարծում եմ սա շատ կարևոր հանգամանք է։ Միջին Արևելքում ապրում են կազմակերպ հայկական համայնքներ։ Այս պահի դրությամբ բացի Արաբական Էիմրություններից մնացյալ երկրներից ուղղակի թռիչքներ չկան դեպի Երևան։

Հայրենամերձ հայկական գաղթօջախների և հայրենիքի միջև կապն ավելի աշխուժացնելու առումով ռազմավարական նշանակություն ունի Բեյրութ-Երևան թռիչքների իրականացումը։ Եվս մեկ դիտարժան կետ. Թուրքիան իր ներկայությունը տարածաշջրանում, ընդ որում Լիբանանում, ակտիվացրել է և դրա կարևորագույն միջոցներից մեկը Բեյրութից դեպի Թուրքիայի տարբեր քաղաքներ իրականցվող թռիչքներն են։ Մենք նաև այս նկատառումով պետք է աշխուժացնենք Երևանի հետ կապը»,-ասել է Շահան Քանդահարյանը PanARMENIAN.Net ի թղթակցին։

 Ուշագրավ
Աշխարհի լավագույն համալսարաններ ընդունված խոստումնալից տասնյակ հազարավոր հայ ուսանողներ աջակցություն են ստանում
Մարտի 15-ին և 16-ին Արցախի ՄԻՊ-ը մարդու իրավունքների ոլորտում իր մտահոգությունները ներկայացրել է կոնգրեսականներ Դեվիդ Վալդաոյին, Ադամ Շիֆին և Ջիմ Մըքգավըրնին
ԵՏՄ պետություններում ավարտվում է միավորման անդամ երկրների աշխատավորների կենսաթոշակային ապահովման մասին պայմանագրի քննարկումը
Անդրադարձել են նաև հայոց ցեղասպանության հարցին, համալսարանական և մշակութային կապերին