 Ազգային ժողովը հաստատեց Կառավարության գործունեության ծրագիրը 23 մայիսի 2013 - 13:09 AMT PanARMENIAN.Net - Այսօր ՀՀ ԱԺ նիստում ընդունվեց Կառավարության գործունեության ծրագիրը: Ծրագրին կողմ քվեարկեց 76, դեմ` 41 պատգամավոր, ձեռնպահ քվեարկողներ չեղան: Ծրագրին դեմ քվեարկեցին «Ժառանգություն», ՀՅԴ, ՀԱԿ և «Բարգավաճ Հայաստան» խմբակցությունները: Հիշեցնենք, որ Կառավարության ծրագիրը քննարկվում էր այս երկուշաբթի մեկնարկած ԱԺ քառօրյայում: Վարչապետ Տիգրան Սարգսյանը հայտարարել էր, որ ծրագիրը մշակվել է հիմք ընդունելով ՀՀ ազգային անվտանգության, ՀՀ նախագահի, Հայաստանի Հանրապետական և «Օրինաց երկիր» կուսակցությունների նախընտրական ծրագրերի հիմնական դրույթները, ինչպես նաև` խորհրդարանական կուսակցությունների ծրագրերում ներկայացված նշված փաստաթղթերի հետ համադրելի գաղափարները։ Վարչապետը նշել էր, որ երեք կարևոր խնդիրները, որոնք առաջնային լուծում պետք է ստանան արտագաղթն է, գործազրկությունն ու աղքատությունը: «Սա հեղափոխություն է, որը մենք կիրականացնենք ոչ թե հրապարակներում, փողոցներում, այլ մեր մտածելակերպում: Այս ծրագիրը մեծ ծավալի աշխատանք է ենթադրում, երբեմն ցավալի որոշումներով և ոչ ակնառու արդյունքներով, մենք ակնկալում ենք ընդդիմության և այլընտրանքային քաղաքական ուժերի, քաղաքացիական հասրակաության և պետության ապագայով մտահոգ յուրաքանչյուր մարդու աջակցությունը»,- ընդգծել էր Կառավարության ղեկավարը: Նա խոստացել էր նվիրական և քրտնաջան աշխատանք կատարել:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
