Նախօրեին ժամը 17:37-ին ԱԻՆ ահազանգ է ստացվել, որ որ ժամը 17:00-ի սահմաններում տեղացած հորդառատ անձրևի և կարկուտի հետևանքով ջրալցվել է Արմավիրի մարզի Սարդարապատ գյուղի 1-ին փողոցի թիվ 187 տան նկուղը:

ԱԻՆ լրատվական ծառայությունից հայտնում են, որ դեպքի մասին տեղեկացվել են մարզպետարանի գյուղվարչության պետը և ՀՀ ԱԻՆ ՃԿԿ-ի հետ համագործակցող ՀՀ գյուղատնտեսության նախարարության պատասխանատու աշխատակիցը:

Նշենք, որ տվյալ տարածքը ՄԵՎԱՆԾ ՊՈԱԿ-ի կողմից չի վերահսկվում: