Վարդան Օսկանյանը եւ Մեթյու Բրայզան քննարկել են ղարաբաղյան հարցի կարգավորման գործընթացը

PanARMENIAN.Net - ՀՀ ԱԳ նախարար Վարդան Օսկանյանի եւ Եվրոպայի եւ Եվրասիայի հարցերով ԱՄՆ պետքարտուղարի փոխտեղակալ Մեթյու Բրայզայի հանդիպման ժամանակ կողմերի միջեւ ծավալվեց հանգամանալից զրույց դինամիկ զարգացող եւ հագեցած հայ-ամերիկյան օրակարգի, ինչպես նաեւ միջազգային եւ տարածաշրջանային մի շարք հարցերի շուրջ: Նախարարը բարձր գնահատեց ամերիկյան կառավարության շարունակական աջակցությունը Հայաստանին` ժողովրդավարության, մարդու իրավունքների պաշտպանության եւ տնտեսական բարեփոխումների ուղղությամբ: Այդ առումով քննարկվեց Հայաստանին մեծածավալ դրամաշնորհ տրամադրելու վերաբերյալ ԱՄՆ Հազարամյակի մարտահրավեր կորպորացիայի որոշման հետ կապված որոշ մանրամասներ: Այնուհետեւ կողմերն անդրադարձան տարածաշրջանի էներգետիկ հարցերին` Հայաստանի էներգետիկ ոլորտի դիվերսիֆիկացիայի եւ տարածաշրջանի այլ երկրների հետ էներգետիկ հնարավորությունների փոխկապակցման շրջանակներում: Նախարարը հակիրճ ներկայացրեց նաեւ Հայաստանի արտաքին քաղաքականության որոշ գերակա ուղղությունները` շեշտադրում անելով Հայաստան-ՆԱՏՕ համագործակցության շրջանակում Անհատական գործընկերության գործողությունների ծրագրի կիրառման ընթացքի, ինչպես նաեւ ԵՄ-ի հետ Նոր հարեւանության քաղաքականության շրջանակում ընթացող բանակցությունների վրա, որոնց երկրորդ փուլը հաջողությամբ ավարտվեց մարտի 6-ին: Կողմերը քննարկեցին Լեռնային Ղարաբաղի հակամարտության խաղաղ կարգավորման շուրջ ընթացող բանակցությունների վերջին փուլից հետո ստեղծված վիճակը, հայտնում է ՀՀ ԱԳՆ մամլո ծառայությունը:
 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---