Րաֆֆի Հովհաննիսյանը հիշել է «քեմալական մուրճի և բոլշևիկյան սալի» մասին17 սեպտեմբերի 2013 - 15:40 AMT PanARMENIAN.Net - Ընդդիմադիր «Ժառանգություն» կուսակցության առաջնորդ Րաֆֆի Հովհաննիսյանըքննադատել է նախագահ Սերժ Սարգսյանին Մաքսային միությանը Հայաստանի անդամակցության վերաբերյալ որոշումը: Նա համեմատել է այդ որոշումը բոլշևիկների ու թուրքերի միջև 1921 թվականի պայմանագրի հետ: Ըստ Հովհաննիսյանի, անդամակցությունը ՄՄ-ին սահմանափակում է Հայաստանի ինքնիշխանությունը և նախագահ Սարգսյանը պետք է հեռանա պաշտոնից, հայտնում է Newsarmenia գործակալությունը: «Կարծում եմ, որ վերջին տարիներին Հայաստանի արտաքին քաղաքականությունը, սկսած հայ-թուրքական արձանագրություններից ու վերջացրած այս հայտարարությամբ, 1921-ի թուրքիայի և բոլշևիկյան Ռուսաստանի միջև կնքած պայմանագրի (Մոկսովյան պայմանագիրը) ժամանակակից կրկնությունն է»,- ասել է նա։ Սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում ԵվրաԱզԷՍ-ի ձևավորմանը մասնակցելու Հայաստանի մտադրության մասին: Հայաստանի այս որոշումը քննադատության ենթարկվեց եվրոպական կառույցների ու փորձագիտական շրջանակների կողմից, որոնք հայտարարեցին, որ Հայաստանը գործնականում խզեց բանակցությունները Եվրոպայի հետ, ինչն անհնար է դարձնում ԵՄ հետ Ասոցացման համաձայնագրի նախաստորագրումը ընթացիկ տարվա նոյեմբերին Վիլնյուսում՝ ԵՄ և Արևելյան գործընկերության ղեկավարների գագաթաժողովում: Այնուհետև Եվրահանձնաժողովը հանդես եկավ հայտարարությամբ, համաձայն որի Ասոցացման մասին համաձայնագիրը և Խորը ու համապարփակ ազատ առևտրի համաձայնագիրը (DCFTA) կարող են համատեղելի լինել ԱՊՀ անդամ երկրների հետ տնտեսական համագործակցության հետ: «Հայաստանը քեմալական մուրճի ու բոլշևիկյան սալի միջև» գիրքը լույս է տեսել անցած դարի 20-ականներին, դրա հեղինակը Առաջին հանրապետության չորրորդ և վերջին վարչապետՍիմոն Վրացյանն է։ Հղումներ թեմայով. Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը Նոյեմբերյանում բողոքի ակցիայի մասնակիցներից 5-ը ձերբակալվել է Նախաքննությունը շարունակվում է |