Ավստրալացի խորհրդարանականները դեմ են հանդես եկել Ցեղասպանությունը ժխտող պրոֆեսորին21 նոյեմբերի 2013 - 17:38 AMT PanARMENIAN.Net - Ազատական կուսակցության ներկայացուցիչներ Ջոն Ալեքսանդերը և Միշել Ռոուդը դեմ են հանդես եկել Ավստրալիայի դաշնային խորհրդարանում պրոֆեսոր Ջասթին Մաքքարթիի այցին, որը հայտնի է Հայոց ցեղասպանության վերաբերյալ մերժողական կեցվածքով: Նոյեմբերի 21-ին Մաքքարթին հանդես է եկել խորհրդարանի պալատում երկու-երեք քաղաքական գործիչների առջև: Ավստրալիայի Հայ Դատի հանձնախումբը (ANC Australia) նամակ է հղել պատգամավորներին և սենատորներն պրոֆեսորի ժխտողական հայացքների մասին: Մաքքարթիի ելույթին ներկա քաղաքական գործիչների թվում էին Լաուրա Ֆերգյուսոնն ու Մեհմեդ Թիլեմը, որոնք էլ կազմակերպել են այդ միջոցառումը: Նույն օրը պատգամավորներ Ալեքսանդերն ու Ռոուլանդը նամակ են հղել խորհրդարան՝ հիշեցնելով Հայոց ցեղասպանության մասին պատմական իրողությունը: «Ռեվիզիոնիստ Մաքքարթին օգտագործում է խորհրդարանական ամբիոնը իր նպատակներն առաջ մղելու համար, այն է՝ մերժելու համար հայերի, ասորիների ու հույների սիստեմատիկ ոչնչացումը Օսմանյան կայսրությունում 1915-1923 թթ.: Ցեղասպանագետ գիտնականների միջազգային ասոցիացիան գտնում է, որ Մաքքարթին վարկաբեկել է իրեն: Ցեղասպանության ժխտումը հարված է բոլոր նրանց, ով վերապրել է, ինչպես նաև նրանց հարազատներին»,-ասել է Ալեքսանդերը: Իր հերթին Միշել Ռոուլանդը նշել է. «Իմ տեսակետը լավ հայտնի է, ես հարգում եմ անցյալը, ինչպես հարգում է այն Նոր Հարավային Ուելսի նահանգը մեր կուսակցությունը ներկայացնող նախարար Գլեդիս Բերեկչյանի հետ միասին»: ANC Australia գործադիր տնօրեն Վաչե Ղահրամանյանը, ողջունելով պատգամավորների ելույթները, նշել է, որ Մաքքարթիի հայացքները չեն կարող ընդունելի լինել ավստրալացի գիտնականների համար: Ցեղասպանության ժխտումը վերջին ակտն է զոհերի ու հաջորդ սերունդների համար: Մենք չենք կարող դավաճանել ողբերգության զոհերի հիշատակը»,-ասել է նա: Ջասթին Մաքքարթին Հայոց ցեղասպանության մերժողականությամբ հայտնի ամենահետևողական պատմաբաններից է, որը մերժելով Ցեղասպանությունը, ներմուծեց «բնակչության փոխանակում» եզրույթը: Ըստ նրա 1912-1923 թթ. հայերը դարձան «բնակչության փոխանակման» ընդհանուր քաղաքականության մասը: Քննադատները նշում են, որ Մաքքարթիի հայկական հարցի մեկնաբանությունները շատ վիճահարույց են : Ըստ քննադատների, նա նկարագրում է «մահմեդական և հայ բնակչության փոխանակումը», ելնելով այն սխալ դրույթից, որ հայերն այն ժամանակ ունեին սեփական պետությունը, որի հետ էլ կատարվում էր փոխանակումը և ներկայացնում է երիտթուրքերի կառավարությունը որպես հայերի ոչնչացմանը մասնակցած անհաղթահարելի պատմական ուժի դրդմամբ: Հղումներ թեմայով. Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը Նոյեմբերյանում բողոքի ակցիայի մասնակիցներից 5-ը ձերբակալվել է Նախաքննությունը շարունակվում է |