Քաբուլի կենտրոնում 13 օտարերկրացիներ են սպանվել և 8 աֆղաններ18 հունվարի 2014 - 12:11 AMT PanARMENIAN.Net - Վերջին տվյալներով Աֆղանստանի մայրաքաղաքում պայթյունի ու կրակոցների հետևանքով 21 մարդ է զոհվել: Մահապարտը գործի է դրել պայթուցիկ սարքը «Լիբանանյան խորտկարան» ռեստորանի մուտքի մոտ, որտեղ հաճախ են լինում օտարերկրացիներ ու կառավարության պաշտոնյաներ: Դրանից հետո ռեստորան են ներխուժել երկու գրոհայիններ ու անկանոն կրակ են բացել: Զոհվել է 13 օտարերկրացի՝ Կանադայի, Ռուսաստանի, Բրիտանիայի ու Լիբանանի քաղաքացիներ, ինչպես նաև 8 աֆղաններ, այդ թվում ռեստորանի սեփականատեր Քամալ Համադին: Սպանվածների թվում է նաև Արժույթի միջազգային հիմնադրամի մշտական ներկայացուցիչ Վաբել Աբդալլահը և ՄԱԿ առաքելության աշխատակիցներ: Պատասխանատվությունը բռնարարքի համար ստանձնել են թալիբները: Ռեստորանը, որտեղ տեղի է ունեցել ողբերգությունը, գտնվում է Բելգիայի դեսպանատան դիմացի մայթում: Այդ նույն շրջանում են գտնվում նաև Նորվեգիայի, Դանիայի, Շվեդիայի, Բրիտանիայի դեսպանատները, ինչպես նաև մի քանի կառավարական հաստատություն: Կրակողները սպանվել են հարձակման վայր եկած ազգային անվտանգության աշխատակիցների կողմից: «Թալիբան» շարժման հայտարարության մեջ ասվում է, որ այդ ռեստորանն ընտրվել էր որպես հարձակման թիրախ, քանի որ այնտեղ հաճախ են լինում օտարերկրացիներ: Շաբաթվա սկզբում թալիբների ներկայացուցիչներից մեկը հայտարարեց ВВС-ին, որ վստահ է հաղթանակում, երբ Աֆղանստանից դուրս բերվեն կոալիցիոն ուժերը, ինչը նախատեսվում է ավարտին հասցնել տարեվերջին: Թալիբանը 1994 թ. Աֆղանստանի պուշտունների շրջանում առաջացած իսլամիստական շարժում է, կառավարել է Աֆղանստանում 1996-2001 թթ.: Դիվանագիտորեն ճանաչված է երեք պետությունների կողմից՝ ԱՄԷ, Պակիստանի ու Սաուդյան Արաբիայի: ՄԱԿ ԱԽ-ն «Թալիբանը» դասում է ահաբեկչական կազմակերպությունների շարքին: Հղումներ թեմայով. Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Ապրիլի 1–ից առցանց անմաքս առևտրի շեմը 200,000 դրամից կդառնա 200 եվրո Սահմանվել է 200 եվրո (մոտ 84,000 դրամ) և 31 կգ արտոնության շեմը Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում Լավրով․ Պուտինին զարմացրել էր Արցախն Ադրբեջանի մաս ճանաչելու Փաշինյանի որոշումը Լավրովը մանրամասներ է ներկայացրել ՌԴ ղեկավարության հետ Փաշինյանի շփումներից Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները |