ԱՄՆ ֆիննախարար. Միացյալ Նահանգներին տեխնիկական դեֆոլտ է սպառնում23 հունվարի 2014 - 15:57 AMT PanARMENIAN.Net - Միացյալ Նահանգները փետրվարի վերջում կարող են սպառել միջազգային ֆինանսական պարտավորությունների կատարման համար անհրաժեշտ ռեսուրսները: Այս մասին ԱՄՆ Կոնգրեսին է զգուշացրել ֆինանսների նախարար Ջեյքոբ Լյուն: Մեկ ամիս առաջ նա արդեն հիշեցրել էր, որ երկիրը կարող է հայտնվել տեխնիկական դեֆոլտի վիճակում, հայտնում է ԻՏԱՐ-ՏԱՍՍ-ը: Ըստ անցյալ տարվա հոկտեմբերին հանրապետականների ու դեմոկրատների միջև ձեռք բերված փոխզիջումային պայմանավորվածության, ԱՄՆ կառավարությունը կարող է փոխառություններ կատարել մինչև փետրվարի 7-ը: Դրանից հետո ևս 2-3 շաբաթ ֆինանսների նախարարությունը կկարողանա մարել իր պարտքերն աննախադեպ միջոցների գնալով՝ դադարեցնելով փոխանցումներն որոշ սոցիալական ու կենսաթոշակային ֆոնդերին: Սակայն, «մենք իրադարձությունների զարգացման խելամիտ սցենար չենք տեսնում, որի դեպքում աննախադեպ միջոցները կարողանան երկար ժամանակ կիրառվել»,-ասել է Լյուն: Նա հայտարարել է, որ «հորդորում է Կոնգրեսին քայլեր ձեռնարկել, ապահովելու համար պետպարտքի վերին շեմի բարձրացումը՝ ապահովելով էկոնոմիկայի ու ֆինանսական շուկաների կայունությունը»: Բարաք Օբամայի վարչակազմն ակնկալում է Սենատից և Ներկայացուցիչների պալատից, որ համապատասխան օրինագիծը հավանություն կստանա: 2013 թ. հոկտեմբերին, երբ որոշվեց շարունակել փոխառությունները, ԱՄՆ պետպարտքը հասավ վերին շեմին՝ 16,7 տրլն դոլար: Չորս ամիս առաջ, երբ Միացյալ Նահանգները հայտնվեցին դեֆոլտի սպառնալիքի առջև, Սպիտակ տունը հավաստիացրեց, որ կառավարությունը չի խախտի ֆինանսական պարտավորությունները, այդ թվում նաև օտարերկրյա վարկատուների առջև: Սակայն անկախ փորձագետները զգուշացնում էին, որ եթե խնդիրը չկարգավորվի, ֆինանսական շուկաներում կարող է խուճապ առաջանալ, որն անկանխատեսելի հետևանքներ կունենա ոչ միայն ԱՄՆ, այլ նաև այլ երկրների էկոնոմիկայի վրա: Ինչպես նշել է ԱՄՀ կարգադրիչ տնօրեն Քրիստին Լագարդը, ԱՄՆ պետական գանձապետական պարտավորություններն այնքան լայնորեն են ներկայացված ֆինանսական հատվածում, որ նրանց կայունությունից էր կախված իրավիճակը գլոբալ տնտեսության մեջ: Վերջին 17 տարում ԱՄՆ դաշնային կառավարության գործունեության առաջին մասնակի կասեցման պատճառ եղավ բյուջետային ֆինանսավորման դադարեցումը 2013 թ. հոկտեմբերի 1-ին, երբ սկսվում է ֆինանսական տարին: Բյուջեի մասին վեճերը Սպիտակ տան ու ԱՄՆ Կոնգրեսի միջև փակուղի մտան հիմնականում երկրում նոր բուժհամակարգի ներդրման հարցի շուրջ: Պետծառայությունների Shutdown-ը սկսվեց հոկտեմբերի 1-ին: Մոտ 3,4 մլն պետծառայողներից ճգնաժամի պատճառով հարկադիր արձակուրդում էր մոտ 800 հազարը: Պետհաստատությունների վնասն, ըստ նախնական տվյալների կազմել է 24 մլրդ դոլար: 2013 թ. դեկտեմբերի 11-ին հանրապետականներն ու դեմոկրատները համաձայնեցրին դաշնային բյուջեի նախագիծը երկու տարի ժամկետով: 2013 թ. հոկտեմբերի 17-ին ընդունված օրինագիծը նախատեսում էր պետհաստատությունների ֆինանսավորման վերականգնում մինչև 2014 թվականի հունվարի 15-ը և փոխառությունների լիմիտի ընդլայնում միչև փետրվարի 7-ը: Տեխնիկական դեֆոլտն առաջանում է փոխառողի կամքին հակառակ վճարման հնարավորությունների բացակայության պայմաններում: Պատմության մեջ կորպորատիվ դեֆոլտները բավականին հաճախ են եղել, և բազմաթիվ կառավարություններ ու համաշխարհային բիզնեսի հայտնի անուններ ժամանակին եղել են տեխնիկական դեֆոլտի վիճակում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Տավուշում բերման ենթարկված 13 անձից 8-ին ազատ են արձակվել․ Քաղաքագետ Սուրեն Պետրոսյանը ձերբակալվել է Սուրեն Պետրոսյանին տեսակցել է Մարդու իրավունքների պաշտպանը Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է |