Զոհրաբյանն ԵԽԽՎ-ում կոչ է արել Ալիևին քրեական պատասխանատվության ենթարկել (թարմացված)29 հունվարի 2014 - 15:55 AMT PanARMENIAN.Net - Ադրբեջանի նախագահ Իլհամ Ալիևին քրեական պատասխանատվության ենթարկելու հարցը ԵԽԽՎ լիագումար նիստում նախօրեին` հունվարի 28-ին, բարձրացել է հայկական պատվիրակության անդամ, ԲՀԿ պատգամավոր Նաիրա Զոհրաբյանը` հիմք ընդունելով Ռասիզմի և անհանդուրժողականության դեմ պայքարի եվրոպական կոմիտեի առաջարկը` քրեականացնել ռասիստական ոգով ելույթները, գրում է Panorama.am-ը: Նաիրա Զոհրաբյանը ելույթում հնչեցրել է պահանջի հիմնավորումները. «Ահազանգն իրապես պահանջում է հրատապ և կոնկրետ հակաքայլերի ձեռնարկում, այլապես հեռու չէ այն օրը, երբ ունենալու ենք Եվրոպա, որտեղ անհանդուրժողականությունը, ռասիզմը, այլատյացությունը դիտվելու են որպես կենսակերպ: Այո, տեսնում ենք, թե ինչ է կատարվում Եվրոպական մի շարք խորհրդարաններում, ուր ծայրահեղական կուսակցությունները կարողանում են հանրության աջակցությամբ մտնել խորհրդարան: Եվ Հունաստանի հայտնի նեոանացիստական կուսակցությունը, ցավոք, այլևս եզակի դեպք չէ: Համաձայն եմ, որ ռասիզմի ու անհանդուրժողականության դեմ պայքարում մեծ անելիք ունեն առաջին հերթին քաղաքական գործիչներն ու մեր Վեհաժողովը: Ավելին, Եվրոպայի խորհրդի տարբեր կառույցներ հստակ հանձնարարում են ազգային խորհրդարաններում բացառել ռասիզմ ու անհանդուրժողականություն տարածող ելույթները: Բայց արդպե՞ս է արդյոք իրականում: Երկու տարի առաջ, Եվրանեսթ խորհրդարանական Վեհաժղովի կազմում, Բաքվում մասնակցում էի մեր կառույցի հերթական նիստին: Եվ, հարգելի գործընկերներ, Ադրբեջանի նախագահը, իր խորհրդարանի մեջ, Եվրանեսթի ամբողջ պատվիրակության, այդ թվում` հայկական և Եվրոպական խորհրդարանի պատվիրակությունների ներկայությամբ, ռասիզմի և անհանդուրժողականության մի կատարյալ շեդևր ելույթ ունեցավ: Նա մեզ` Արդբեջանի խորհրդարանում նստած հայ պատգամավորներիս և ամբողջ հայ ժողովրդին անվանեց ֆաշիստներ, պղծողներ` հայ ժողովրդին մեղադրելով ստահոդ և անտրամաբանական բոլոր մեղքերի մեջ: Եվ ի՞նչ եղավ: Որևէ մեկը, բացի հայկական պատվիրակության անդամներից, բացատրե՞ց Ալիևին, որ ԵԽ անդամ երկրի նախագահին վայլել չէ միջնադարյան ինկվիզիցիայի ոգով ելույթ ունենալը: Իհարկե` ոչ: Այստեղ նշվեց, որ Ռասիզմի և անհանդուրժողականության դեմ պայքարի Եվրոպական կոմիտեն առաջարկում է քրեականացնել ռասիստական ոգով ելույթները: Այո, կարող եմ համաձայնել այդ առաջարկին, և հիմա առաջարկում եմ քրեական պատասխանատվության կանչել Ադրբեջանի նախագահին, որի յուրաքանչյուր ելույթ, ուր կա հայի և Հայաստանի անուն` ռասիզմի, անհանդուրժողականության, հայատյացության բացառիկ դրսևորում է: Եվ, ի վերջո, ինչի՞ ծնունդ էր մարդասպան Ռամիլ Սաֆարովը, ում իր երկրում համարում են ազգի հերոս: Նա ծնունդ է հակահայ այն խայտառակ մթնոլորտի, որը տիրում է Ադրբեջանում, երբ երեխաներին մանուկ հասակից սովորեցնում են, որ հայն իր թշնամին է: Երբ ընտրեցինք Մարդու իրավունքների նոր հանձնակատար, վերջինիս ադրբեջանական դասագրքերից հատվածներ ուղարկեցի, ուր քարոզվում է բացահայտ հակահայկականություն և ուր հայը ներկայացված է որպես ջարդարար ու մարդասպան: Առ այս պահը որևէ պատասխան չեմ ստացել մարդու իրավունքների էմիսարից: Մարդը, ում ընտրել ենք նման պատասխանատու պաշտոնում, հարկ չի համարում զբաղվել իր անմիջական պարտականությունններով, կամ, երևի թե, վախենում է զայրացնել ադրբեջանցի իր գործընկերներին»,- հայտարարել է իր ելույթում Նաիրա Զոհրաբյանը: 2012-ի ապրիլի 3-ին Բաքվում կայացած «Եվրանեսթի» ԽՎ ընդլայնված նիստում Ադրբեջանի նախագահ Իլհամ Ալիևը հայերին «ֆաշիստներ» էր անվանել: Այդ հայտարարությունը վրդովեցրել էր հայկական պատվիրակությանը, որն այն անվանել էր ոչ կոռեկտ ու դիվանագիտական նորմերից դուրս: Իրենք դժգոհությունը հայտնել էին նաև մյուս պատվիրակությունները:: Մեկնաբանելով Ալիևի հայտարարությունը՝ Հայաստանի ԱԳ նախարար Էդվարդ Նալբանդյանը նշել էր, որ Ադրբեջանի հայտարարությունները վարկաբեկում են ՄԱԿ ԱԽ: «Եվրոպայի խորհուրդն արդեն ընդունել է փաստաթուղթ, որտեղ մասնավորապես Ադրբեջանը հիշատակվում է որպես մի երկիր, որն իրեն թույլ է տալիս խայտառակ հայտարարություններ անել»,- ասել էր Նալբանդյանը: Նման կարգախոսներ հնչեցնող երկիրը լարվածություն է ստեղծում տարածաշրջանում: Մի երկիր, որը սպառազինություն է կուտակում իրավիճակը տարածաշրջանում ապակայունացնելու համար, որը մի ողջ ժողովրդի թշնամի է անվանում, այդ երկիրը վարկաբեկում է ՄԱԿ ԱԽ-ն իր ներկայությամբ այդ կազմակերպությունում, հայտարարել է Հայաստանի ԱԳ նախարարը: Եվրանեսթում հայկական պատվիրակության ղեկավար Վահան Հովհաննիսյանը, մեկնաբանելով Ադրբեջանի նախագահ Իլհամ Ալիևի ելույթը Բաքվում կայացած Եվրանեսթի Խորհրդարանական վեհաժողովում, նշել էր, որ Ալիևի խոսքն Եվրանեսթում սառը ցնցուղ էին եվրախորհրդարանականների համար: Հովհաննիսյանը նշել էր, որ եվրոպացի և նույնիսկ ադրբեջանցի խորհրդարանականներից շատերը, որոնց անունները նա հասկանալի պատճառներով չի նշում, մոտեցել էին հայկական պատվիրակությանը անհամաձայնություն հայտնելու համար Ալիևի հետ և աջակցության խոսքեր ասելու համար: Վահան Հովհաննիսյանը նաև նշել էր, որ մինչև այդ ելույթը, Ալիևի նստավայրում ընդունելության ժամանակ, որտեղ ԶԼՄ-ների ներկայացուցիչներ չկային, նա նույնիսկ չէր հիշել ղարաբաղյան խնդրի մասին: Արդեն այսօր՝ հունվարի 29-ին, վեհաժողովում Եվրոպական խորհրդարանի նախագահ Մարտին Շուլցի ելույթից հետո, երբ եվրոպացի խորհրդարանականները հնարավորություն են ունեցել հարցեր ուղղել,Նաիրա Զոհրաբյանը նրան հիշեցրել է ԵԽ բանաձևերից մեկը, որը կոչ է անում չճանաչված երկրների, որոնցից է նաև Լեռնային Ղարաբաղը, հասարակությունների հետ իրականացնել վստահության ամրապնդման և շփումների ստեղծման ծրագիր, այնուհետև հետաքրքրվել. «Ինչո՞ւ մինչև հիմա Եվրոպական միությունը ոչինչ չի արել այդ ուղղությամբ»: Ի պատասխան Շուլցն ասել է, որ հանպատրաստից չի կարող պատասխանել այդ հարցին ու հավելել. «Կարծում եմ, որ այդ հարցերը պետք է լուծվեն ԵԱՀԿ Մինսկի խմբի շրջանակում: Թույլ տվեք ինձ կոնկրետ չպատասխանել Ձեր հարցին, քանի որ անգիր չեմ հիշում ԵԽ բոլոր բանաձևերը: Ամեն օր տարբեր բանաձևեր ենք ընդունում: Կուսումնասիրեմ Ձեր հարցն և ավելի ուշ կտամ սպառիչ պատասխաններ»,- ասել է Մարտին Շուլցը: Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Team-ի ինտերնետը հասանելի է մետրոյում Team-ի 4G ինտերնետը հնարավորություն կտա մետրոյի ուղևորներին անխափան օգտվել հավելվածներից, դիտել տեսանյութե Կիրանցի ղեկավար. Փաշինյանն ասել է՝ Ադրբեջանի վերահսկողության տակ գտնվող մեր հողերը վերադարձնելու ենք Տավուշի 4 գյուղ հանձնելու Ադրբեջանի պահանջի վերաբերյալ Կիրանցի գյուղապետն ասել է, որ դրանք ադրբեջանական գյուղեր են Փաշինյան․ ՀՀ այն ուրվագիծը, որ ցույց եմ տվել ասուլիսին, ցուցադրել եմ նաև Տավուշում «Հարցեր կային, որ տեղում դրանց սրությունը, այսպես ասած, ավելի էմոցիոնալ ու ավելի գործնական զգացի»,-ասել է նա Ռուսական հեռուստաալիքների հեռարձակման հարցով Մոսկվայում խորհրդակցություններ կանցկացվեն Այդ ընթացքում հայկական կողմը կներկայացնի լուծումների վերաբերյալ իր առաջարկները |