ԿԲ. Դրամով նոր ներդրումային գործիքների թողարկումը շուկայում կարևորագույն իրադարձությունն է 5 փետրվարի 2014 - 16:48 AMT PanARMENIAN.Net - Միջազգային ամենաբարձր` AAA վարկանիշ ունեցող երկու ընկերությունների` Հայաստանի ազգային արժույթով նոր ներդրումային գործիքների թողարկումը կարևորագույն իրադարձությունն է Հայաստանի կապիտալի շուկայի զարգացման ու 2014-ին մեկնարկած կենսաթոշակային բարեփոխումների տեսանկյունից` հայտարարել է Կենտրոնական բանկը փետրվարի 5-ին տարածած հաղորդագրությունում: «Ներդրողները, այդ թվում և կենսաթոշակային ֆոնդերը, հնարավորություն կունենան կատարել հուսալի ներդրումներ ընկերության պարտատոմսերում և ապահովել կայուն եկամուտ»,- նշել է ԿԲ-ն: 2014-ի հունվարի վերջին Վերակառուցման և զարգացման եվրոպական բանկը` (ՎԶԵԲ) առաջին անգամ հայկական դրամով հրապարակայնորեն պարտատոմսեր էր տեղաբաշխել 2 մլրդ դրամ ծավալով: 2013-ի դեկտեմբերի վերջին Համաշխարհային բանկի խմբի անդամ Միջազգային ֆինանսական կորպորացիան (ՄՖԿ) ևս դրամով պարտատոմսեր էր թողարկել` 2 մլրդ ընդհանուր անվանական արժեքով, տեղաբաշխումը, սակայն, հրապարակային չէր եղել: Միջազգային հզոր ֆինանսական կառույցներից երկուսի պարտատոմսերի` «ՆԱՍԴԱՔ ՕԷՄԵՔՍ Արմենիա» ֆոնդային բորսայում ցուցակվելու և շրջանառվելու հանգամանքը, ԿԲ-ի գնահատմամբ, մասնավոր և ինստիտուցիոնալ ներդրողների համար նոր ներդրումային հնարավորություն է ստեղծելու: «ՀՀ դրամով լողացող տոկոսադրույքով պարտատոմսը նորարարական ֆինանսական գործիք է և կարող է դառնալ կարևոր իրացվելիության կառավարման միջոց տարբեր ֆինանսական կառույցների համար»,- համոզված են ԿԲ-ում: Հայաստանի գլխավոր ֆինանսական կառույցի գնահատականները համահունչ են ՎԶԵԲ-ի երևանյան գրասենյակի ղեկավարի մեկնաբանությանը, որն արվել է իրենց կողմից տեղաբաշխված պարտատոմսերի վերաբերյալ. «Սա շատ կարևոր քայլ է Հայաստանի կապիտալի շուկայի համար և ուղի է բացում կապիտալի ներգրավման համար նրանց, ովքեր ցանկանում են հայկական դրամով վարկեր ուղղել իրական տնտեսություն, ինչով էլ ապահովություն են երաշխավորում վարկառուների համար, որոնք ցանկանում են խուսափել արտարժութային ռիսկից»: 66 երկրում գործող ՎԶԵԲ-ը Հայաստանում գործունեություն է ծավալում 1991-ից` օգնելով դիվերսիֆիկացնել տնտեսությունը` տարբեր ոլորտներում ներդրումներ անելով: Բանկը Հայաստանում ներդրել է ավելի քան 656 մլն եվրո 120 ծրագրում: ՎԶԵԲ-ին անդամակցում է 66 երկիր՝ ներառյալ Հայաստանը: 1956-ին ստեղծված ՄՖԿ-ն գործունեություն է ծավալում ավելի քան 100 զարգացող երկրում, այդ թվում՝ Հայսատանում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |