Վրաստանի ԱԳՆ. Շուտով կորոշվի ՌԴ և Վրաստանի նախագահների երկխոսության վերսկսման ամսաթիվը12 փետրվարի 2014 - 14:38 AMT PanARMENIAN.Net - ՌԴ ԱԳՆ փոխղեկավար, պետական քարտուղար Գրիգորի Կարասինը հայտարարել է, որ մարտի սկզբին Վրաստանի վարչապետի Ռուսաստանի հետ հարաբերությունների գծով հատուկ ներկայացուցիչ Զուրաբ Ժվանիայի հետ կքննարկի Ռուսաստանի և Վրաստանի նախագահներ Վլադիմիր Պուտինի ու Գեորգի Մարգվելաշվիլիի հնարավոր հանդիպման նախապատրաստման հարցը: Այս մասին հայտնել է «ՌԻԱ Նովոստի» գործակալությունը: «Ինչ վերաբերում է պարոն Աբաշիձեի հետ հաջորդ հանդիպմանը, ապա, հավանաբար, այն տեղի կունենա մարտի սկզբին: Օրակարգը նույնը կլինի՝ հարաբերությունների կարգավորման պրակտիկ քայլերը բոլոր այն ոլորտներում, որտեղ դա այսօր հնարավոր է: Կյանքի թելադրանքով կշարժվենք՝ առանց բարձր հայտարարությունների ու մեծ պատրանքների: Հաշվի առնելով այսoր հնչած մեր նախագահի ու Վրաստանի վարչապետի խոսքերը, բնականաբար, մենք կանդրադառնանք նաև այդ կարևոր հարցին»,-ասել է Կարասինը: Ռուսաստանի և Վրաստանի նախագահների երկխոսության վերսկսման ամսաթիվը կորոշվի արդեն ամսվա վերջին, հայտարարել է վրացական ԱԳՆ ղեկավար Մայա Փանջիկիձեն: Փետրվարի 10-ին Ռուսաստանի նախագահ Վլադիմիր Պուտինն ասաց, որ կարող է հանդիպել է Վրաստանի ղեկավարի հետ, եթե վերջինս հանդես գա նման նախաձեռնությամբ: Մարգվելաշվիլին խոստացավ ուսումնասիրել Պուտինի առաջարկը, իսկ վարչապետ Իրակլի Ղարիբաշվիլին նշեց, որ պատրաստ է երկխոսության վերսկսմանը: ՌԴ և Վրաստանի հարաբերությունները սրվեցին, երբ Ռուսաստանը ճանաչեց Աբխազիայի և Հարավային Օսեթիայի անկախությունը 2008 թվականի օգոստոսի վերջում՝ Ցխինվալի դեմ Վրաստանի ռազմական ագրեսիայից հետո: Ի պատասխան Թբիլիսին խզեց դիվանագիտական հարաբերությունները Մոսկվայի հետ ու երկու հանրապետությունները հայտարարեց գրավյալ տարածքներ: «Վրացական երազանքի» կոալիցիայի իշխանության գալուն պես Ռուսաստանի և Վրաստանի միջև բանակցություններ սկսվեցին հարաբերությունների կարգավորման շուրջ: Վրացական կողմը ներկայացնում է Իվանիշվիլիի հատուկ ներկայացուցիչ, Մոսկվայում Վրաստանի նախկին դեսպան Զուրաբ Աբաշիձեն, ռուսականը՝ ԱԳ փոխնախարար Գրիգորի Կարասինը: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից |