Առէկսիմբանկը մեկ հպումով վճարումներ կատարելու համակարգ է գործարկում27 փետրվարի 2014 - 22:51 AMT PanARMENIAN.Net - Փետրվարի 27-ին ժամը 17:19 րոպեին «Առէկսիմբանկի» ու VISA-ի համագործակցության շնորհիվ Հայաստանում առաջին անգամ մեկ հպումով անկանխիկ վճարում է իրականացվել` սկիզբ դնելով երկրում VISA Paywave համակարգի գործարկմանը: Այսպիսով` «Առէկսիմբանկ-Գազպրոմբանկի խումբ» ՓԲԸ-ն, հավատարիմ մնալով նորարար տեխնոլոգիաների կիրառման մեջ Հայաստանում առաջատարի իր կոչմանը, առաջինն է Հայաստանում մեկնարկել Visa Paywave ոչ կոնտակտային վճարման տեխնոլոգիան ու նախատեսում է արդեն 2014-ի ամռանը անկանխիկ վճարման քարտերի սպասարկման հնարավորությամբ վճարային տերմինալների տեղադրումը առևտրի տարբեր կետերում: Visa Paywave-ով առաջին, մի քանի վայրկյանում իրականացված գործարքը տեղի է ունեցել Երևանում գտնվող «Մոսկվիչկա» սուպերմարկետներից մեկում: Մինչև 10 հազար դրամ գործարքի դեպքում առանց PIN-կոդ մուտքագրելու, առանց անդորրագիր ստորագրելու, քարտը (անգամ դրամապանակի մեջ) պարզապես վճարային ոչ կոնտակտային տերմինալին մոտեցնելով վճարում կատարելու հնարավորությունը մինչև ամառ կունենան միայն Հայաստանի այցելուները` զբոսաշրջիկներ, գործարարներ և այլք, իսկ արդեն ամռան ամիսներից «Առէկսիմբանկը» ակնթարթային վճարման քարտեր կթողարկի նաև իր հաճախորդների համար: «Առէկսիմբանկի» ոչ կոնտակտային վճարային տերմինալներով վճարումներ կատարել կարելի է ցանկացած բանկի թողարկած VISA Paywave քարտերով: Բանկի գլխավոր տնօրեն Ռուբեն Խաչատրյանը, լրագրողների հետ զրույցում ընդգծելով, որ «Առէկսիմբանկը» առաջինն է Հայաստանում դարձել VISA ընկերության անդամ, թողարկել VISA պլաստիկ քարտեր, գործարկել ինտերնետ-էքվայրինգ բանկային նախագիծն, նշեց, որ նույն տրամաբանությամբ առաջինն են գործարկում նաև VISA Paywave-ը: «Հաճախորդների հետ երկարաժամկետ հարաբերությունների ստեղծման մեր ռազմավարությունում կարևորագույն տեղ է զբաղեցնում սպասարկման որակը և արագությունը, այդ իսկ պատճառով մեր հաճախորդների համար քարտի մեկ հպումով անկանխիկ վճարումների իրականացումը Visa Paywave համակարգի օգտագործմամբ ունի ակնհայտ առավելություններ` նախ և առաջ դա հարմարավետությունն է ամենօրյա գնումներ կատարելիս, անվտանգությունը և ժամանակի տնտեսումը»,- շեշտեց Խաչատրյանը: Նոր համակարգի ներդնողները համոզված են` այն բազմաթիվ առավելություններ է տալու նաև առևտրային կազմակերպություններին` պարզեցնելով վճարմանը ընթացքը, նվազեցնելով կանխիկ գործարքների կազմակերպման հետ կապված ծախսերն ու հերթերը սպասարկման կետերում: «Այսօր մեր գործընկեր «Առէկսիմբանկի» ջանքերի շնորհիվ Հայաստանը միացավ աշխարհի 50 երկներին, որոնց քաղաքացիներն անկանխիկ վճարման տեխնոլոգիայի առավելություններից օգտվելու հնարավորություն ունեն, ներառյալ նախկին ԽՍՀՄ երկրներից Ռուսաստանը, Ղազախստանը, Ուկրաինան, Բելառուսը և Վրաստանը»,- PanARMENIAN.Net ին ասաց VISA-ի կովկասյան երկրների տարածաշրջանային ներկայացուցիչ Իրինա Կամխաձեն: Visa Paywave քարտերում կա չիպ և ալեհավաք, որոնք թույլ են տալիս ռադիոալիքին փողանցել ոչ կոնտակտային հաշվարկային սարքին վճարման մասին տեղեկատվություն: Քարտերը համապատասխանում են VISA համակարգին բնորոշ անվտանգության բարձր ստանդարտներ` ծածկագրված կոդի առկայության շնորհիվ: VISA ընկերության ԱՊՀ երկրներում ու հարավ-արևելյան Եվրոպայում նորարար վճարային համակարգերի ներդրման ավագ մասնագետ Անդրեյ Շերբինը PanARMENIAN.Net ին ասաց, որ Visa Paywave քարտերի կիրառման փորձը ցույց է տվել, որ մեքենայությունների թիվը նվազագույնի է հասնում: 2014-ի սկզբի դրությամբ «Առէկսիմբանկը» թողարկել էր 12 հազար VISA միջազգային վճարային քարտ: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |