7 առաջատար երկիր Ուկրաինայի պատճառով կասեցրել է Սոչիի G8-ի գագաթնաժողովին նախապատրաստումը 3 մարտի 2014 - 12:03 AMT PanARMENIAN.Net - Աշխարհի 7 առաջատար երկիր համատեղ հայտարարությամբ դատապարտել են Ռուսաստանի ներխուժումն Ուկրաինայի տարածք և կասեցրել Սոչիի G8-ի գագնաթաժողովին նախապատրաստումը, որը կայանալու է ընթացիկ տարվա հունիսին: «Մենք՝ Կանադայի, Ֆրանսիայի, Գերմանիայի, Իտալիայի, Ճապոնիայի, Մեծ Բրիտանիայի ու ԱՄՆ նախագահներս, ինչպես նաև Եվրամիության ու Եվրահանձնաժողովի նախագահներս, դատապարտում ենք Ռուսաստանի Դաշնության կողմից Ուկրաինայի ինքնիշխանության ու տարածքային ամբողջականության ակնհայտ խախտումը»,- ասվում է G7-ի հայտարարության մեջ: Ըստ հայտարարության հեղինակների, Ռուսաստանի գործողություններն Ուկրաինայում խախտում են այն սկզբունքներն ու արժեքները, որոնց վրա հիմնված են G7 և G8-ը: «Այդպիսով, որոշեցիքն առայժմ կասեցնել մեր մասնակցությունը հունիսին Սոչիում կայանալի գագաթնաժողովի նախապատրաստական աշխատանքներին, քանի դեռ հանգամանքները չեն փոխվել, որի դեպքում միայն հնարավոր կդառնա բանավեճը»,- ասվում է հայտարարության մեջ: Մինչդեռ, Գերմանիայի ԱԳ նախարար Ֆրանկ Վալթեր Շտայնմայերը հայտարարել է, որ աննպատակահարմար է համարում Ռուսաստանի մասնակցության կասեցումը G7 и G8-ին: Նախօրեին ՌԴ նախագահ Վլադիմիր Պուտինը Գերմանիայի կանցլեր Անգելա Մերկելի հետ հեռախոսազրույցից հետո համաձայնվել է ԵԱՀԿ հովանու ներքո Ղրիմում ստեղծված իրավիճակի գծով խումբ ստեղծել: Պուտինն ուշադրությունը հրավիրել է ծայրահեղ ազգայնական ուժերի կողմից հնչող բռնի գործողությունների չթուլացող սպառնալիքի վրա, որոնք վտագում են ՌԴ քաղաքացիների ու ռուսալեզու բնակչության կյանքն ու օրինական շահերը, և Ռուսաստանի ձեռնարկած միջոցները համարժեք են ստեղծված արտակարգ իրավիճակին, հայտնում է Կրեմլի պաշտոնական կայքը: Պուտինն ու Մերկելը պայմանավորվել են շարունակել խորհրդակցություններն ինչպես երկկողմ, այնպես էլ բազմակող ձևաչափով Ուկրաինայում իրավիճակի կայունացմանը նպաստելու համար: ԱՄՆ-ն առավելագույն ֆինանսական աջակցությունը կցուցաբերի Ուկրաինային ֆինանսական ճգնաժամից դուրս գալու համար, կիրակի օրը հայտարարել է ԱՄՆ ֆինանսների նախարար Ջեկ Լյուն: Նա խորհուրդ է տվել Կիևին հասնել ԱՄՀ աջակցության երկկողմ ծրագրերի միջոցով, ինչպես նաև այլ խոշոր ֆինանսական կազմակերպությունների աջակցությանը, հայտնում է ВВС-ին: Երեքշաբթի Ուկրաինա կժամանի ԱՄՆ պետքարտուղար Ջոն Քերին: Արդեն Կիևում է Մեծ Բրիտանիայի ԱԳ նախարար Ուիլյամ Հեյգը, որը, իր խոսքերով, հանդիպում է Ուկրաինայի առաջնորդների հետ: ՄԱԿ գլխավոր քարտուղար Պան Գի Մունը Ուկրաինա է գործուղել իր տեղակալ Յան Էլիասոնին: Ուշագրավ Այցն աշխատանքային է Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Ամենաընթերցվողը բաժնում | Բաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսած Սիմոնյանը՝ ԵՄ համաժողովում․ Մտահոգիչ է, որ ՌԴ բազմաթիվ պաշտոնյաներ համարձակվում են թելադրել Հայաստանի շահերը Նա խոսել է Հայաստանի դեմ ՌԴ և Ադրբեջանի հիբրիդային հարձակման մասին՝ կապված ապրիլի 5-ի Բրյուսելի հանդիպման հետ ՀՑԹ տնօրեն. Մոտ 200,000 հայ երեխա ու երիտասարդ կին Հայոց ցեղասպանության տարիներին բռնի ձուլվել է Նա ընդգծվել է, որ ցեղասպանությունը միայն սպանությունների մասին չէ ԱԽ քարտուղար. ՌԴ խաղաղապահներն ուղևորվել են Գորիսի և Սիսիանի ժամանակավոր տեղակայման վայրեր` կազմակերպելու դրանց փակումը Նրանք Գորիսում և Սիսիանում էին Լաչինի միջանցքի բնականոն գործունեությունն ապահովելու նպատակադրմամբ |