Երևանը պատասխանել է Կիևին. Ինքնորոշման իրավունքի վերաբերյալ սկզբունքային դիրքորոշումն անփոփոխ է22 մարտի 2014 - 12:31 AMT PanARMENIAN.Net - Մարտի 21-ին ԱԳ նախարարի տեղակալ Շավարշ Քոչարյանն ընդունել է Հայաստանում Ուկրաինայի դեսպան Իվան Կուխտային` վերջինիս խնդրանքով: Հանդիպմանը փոխարտգործնախարարը վերահաստատել է, որ ինքնորոշման իրավունքի վերաբերյալ Հայաստանի սկզբունքային դիրքորոշումն անփոփոխ է և տարիների ընթացքում բազմիցս արտահայտվել է, հայտնում են ԱԳՆ մամուլի ծառայությունից: Արտգործնախարարի տեղակալը նշել է, որ Հայաստանի և Ուկրաինայի բարեկամ ժողովուրդների դարավոր հարաբերությունները կազմում են այն ամուր հենքը, որի վրա կառուցվում է մեր երկու երկրների միջև փոխգործակցությունը: Մարտի 22-ի դրությամբ` Իվան Կուխտան Հայաստանում է և գնացել է աշխատանքի, գրում է Tert.am-ը: Հայաստանում Մեծ Բրիտանիայի դեսպան Քեյթի Լիչը, մեկնաբանելով Ղրիմի իրադարձությունները և դրանց առնչությամբ Հայաստանի դիրքորոշումը, ասել է, որ իրենք մտահոգված են ՀՀ նախագահ Սերժ Սարգսյանի և ՌԴ նախագահ Վլադիմիր Պուտինի արտահայտություններից: «Չկա որևէ կետ, որ մենք Ղրիմի հանրաքվեն համարենք ազատ կամարտահայտման դրսևորում»,- նշել է նա: Ուկրաինայի ԱԳ փոխնախարար Դանիլո Լուբկիվսկին հայտարարել է, որ Հայաստանից պահանջում են վերանայել Ղրիմի հարցով դիրքորոշումը. «Հիասթափված ենք Հայաստանի դիրքորոշմանը վերաբերող տեղեկություններից։ Այսօր, ինչպես և երեկ, հրավիրել ենք Ուկրաինայում ՀՀ դեսպանին, նրան փոխանցել մեր մտահոգությունները։ Հայաստանում մեր դեսպանատանը համապատասխան կարգադրություններ ենք տվել։ Այսօր հայկական կողմին նոտա ենք հղել, որտեղ դիմում ենք Հայաստանի պաշտոնական դիրքորոշումը պարզաբանելու համար»,- նշել է նա։ Լուբկիվսկին հավելել է, որ Ուկրաինան դիմում է Հայաստանին՝ կոչ անելով մոտ ժամանակներս հայտարարել, որ երկիրը չի ընդունում Ղրիմի անեքսիան։ Ուկրաինան խորհրդատվությունների համար Կիև է կանչել ՀՀ-ում իր դեսպան Իվան Կուխտային: Մարտի 19-ին հայկական կողմի նախաձեռնությամբ նախագահ Սերժ Սարգսյանը հեռախոսազրույց էր ունեցել Ռուսաստանի նախագահ Վլադիմիր Պուտինի հետ: Կողմերն արձանագրել են, որ Ղրիմի հանրաքվեն ազատ կամարտահայտման միջոցով ժողովուրդների ինքնորոշման իրավունքի իրացման հերթական օրինակն է: Միաժամանակ ընդգծվել է միջազգային իրավունքի նորմերին ու սկզբունքներին, առաջին հերթին՝ ՄԱԿ-ի կանոնադրությանը, նվիրվածության կարևորությունը: Մարտի 20-ին Հայաստանում Ուկրաինայի արտակարգ և լիազոր դեսպան Իվան Կուխտան մամուլի ասուլիսին նշել էր, որ յուրաքանչյուր երկիր իր դիրքորոշումն արտահայտելու իրավունք ունի, բայց երկրի ԱԳՆ արդեն փոխանցվել են հայկական կողմի դիրքորոշումների մասին տեղեկությունները: Ինչ վերաբերում է Հայաստանի և Ղարաբաղի դիրքորոշմամբ պայմանավորված հայ-ուկրաինական հարաբերությունների ապագային, ապա դեսպան Կուխտան հավաստիացրել էր, որ այդ հարաբերությունները բոլոր մակարդակներով լավ են զարգանում։ Լեռնային Ղարաբաղի հակամարտության վերաբերյալ Ուկրաինայի դիրքորոշումը հստակ է և անփոփոխ, ասել էր դիվանագետը․ «Ուկրաինան աջակցում է ԵԱՀԿ Մինսկի խմբի ջանքերին Լեռնային Ղարաբաղի հակամարտության լուծման հարցում»: Ղրիմում հանրաքվեի արդյունքերն արդեն ճանաչվել են մի շարք երկրների կողմից, այդ թվում՝ Սիրիայի, Ղազախստանի, Արգենտինայի ու Հայաստանի։ Հղումներ թեմայով. Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Գուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացին |