ԱՄՆ կոնգրեսականները խնդրում են ավելացնել ֆինանսական աջակցությունը ՀՀ-ին ու ԼՂՀ-ին 3 ապրիլի 2014 - 12:09 AMT PanARMENIAN.Net - Կոնգրեսական Ֆրենկ Փալոունը Կոնգրեսի ևս 27 անդամների հետ համատեղ նամակ է հղել Ներկայացուցիչների պալատի Հատկացումների ենթակոմիտեի նախագահ Քեյ Գրեյնջերին, կոմիտեի նախագահ Նիտե Լոուեին՝ խնդրելով ավելացնել 2015 թվականի համար նախատեսված ֆինանսական աջակցությունը Հայաստանին ու Լեռնային Ղարաբաղին, գրում է Asbarez-ը: Մասնավորապես, կոնգրեսականները խնդրում են հարցում ուղարկել ԱՄՆ Միջազգային զարգացման գործակալությանը (USAID), որպեսզի վերջինս առնվազն 5 մլն դոլար հատկացնի Լեռնային Ղարաբաղում հումանիտար ու զարցաման ծրագրերի համար, ինչպես նաև 40 մլն դոլար որպես ընդհանուր տնտեսական աջակցություն Հայաստանին: «Մենք երախտապարտ ենք կոնգրեսականներ Փալոունին ու Գրիմին և նրանց բոլոր գործընկերներին, որոնք ստորագրել են այդ ուղերձը, օգնության համար, որի նպատակն է հայ-ամերիկյան բազմամյա բարեկամության ամրապնդումը: Մենք գնահատում ենք նրանց աջակցությունն աշխարհի այդ առանցքային տարածաշրջանում խաղաղության, կայունության ու ժողովրդավարության կայացման գործում», -հայտարարել է ANCA գործադիր տնօրեն Արամ Համբարյանը: Մի խումբ կոնգրեսականներ խնդրել են նաև աջակցել Սիրիայում բարձր ռիսկի տակ գտնվող բնակչության խմբերին, այդ թվում նաև հայերին ու քրիստոնյա համայնքներին: Կոնգրեսականները խնդրել են նաև օժանդակել կայուն զարգացման հիմնադրամներին Ջավախքում աշխատատեղերի ստեղծման հարցում և կասեցնել ռազմական օգնությունն Ադրբեջանին, քանի դեռ Ալիևի կառավարությունը չի կասեցրել հարձակումները Լեռնային Ղարաբաղի ու Հայաստանի վրա և չի համաձայնվել, որ տարածաշրջանային հակամարտությունները պետք է կարգավորվեն խաղաղ միջոցներով: 1995 թվականին ԱՄՆ Կոնգրեսում ստեղծվեց Հայաստանին աջակցող երկկուսակցական խումբ: Այն հիմնեցին ժողովրդավար Ֆրենկ Փալոուն ավագը և հանրապետական Էդվարդ Փորթերը: Հետագայում Փորթերի տեղը զբաղեցրեց Ջո Նոլենբերգը: Խումբն աշխատում է Ներկայացուցիչների պալատում՝ նախաձեռնելով հայկական հարցերի քննարկումներ: Այժմ խումբը գլխավորում են ֆրենկ Փալոուն կրտսերն ու Մայքլ Գրիմը: Հղումներ թեմայով. Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |