Հայկական դուդուկը Մոսկվայում. 2014-ի ապրիլ (վիդեո) 9 ապրիլի 2014 - 15:39 AMT PanARMENIAN.Net - Հայկական դուդուկ…Նրա թովիչ, դողացող հնչյունները այսօր լսելի են ամենուր՝ փոքր հայկական գյուղից մինչև Հոլիվուդ: Դուդուկի մեղեդին կարելի է լսել ցանկացած հայկական հավաքույթի ժամանակ, լինի դա տխրության առիթ թե ուրախության: Դուդուկը պատրաստում են ծիրանենու փայտից, մյուս բոլոր ծառերից պատրաստվածներն ուղղակի շվիներ են: V դարի պատմիչ Մովսես Խորենացին այն անվանել է ծիրանափող՝ համարելով այն ծիրանի ծառի հոգին: Դուդուկն արդեն շուրջ 3 հազար տարեկան է: «Ամերիկացիներն ու ճապոնացիները փորձեցին վերարտադրել դուդուկի հնչյունները սինտեզատորի վրա, բայց դա նրանց չհաջողվեց: Դա նշանակում է, որ դուդուկը մեզ տված Աստծո պարգև է» ,-ասել է դուդուկի մեծ վարպետ Ջիվան Գասպարյանը: Դուդուկ ասելիս ամեն անգամ Ջիվան Գասպարյանին ենք հիշում: Նա մեծ, եթե չասենք հսկայական, ավանդ ունի աշխարհում դուդուկի հանրահռչակման գործում: Ջիվանը համաշխարհային մշակույթի համար բացահայտեց հայկական մեղեդու զարմանալի աշխարհը՝ լինելով այնպիսի հայտնի հոլիվուդյան ֆիլմերի երաժշտություն հեղինակը, ինչպիսիք են «Գլադիատորը», «Եվգենի Օնեգինը»: Իսկ ընդհանուր առմամբ հայկական դուդուկը հնչում է մոտ 40 ամերիկյան ֆիլմում: Ինքը Ջիվան Գասպարյանը հաճույքով է հիշում աշխատանքը Բրայան Ինոյի, Հանս Ցիմերի, Փիթեր Գեբրիելի, Սթինգի, Բորիս Գրեբենշչիկովի հետ: Եվ զարմանալի չէ, որ գնալով ավելանում են դուդուկի փառատոները ոչ միայն Հայաստանում, այլ նաև արտերկրում: Ռուսաստանի լավագույն դուդուկահարները կմասնակցեն առաջին անգամ անցկացվող Դուդուկի մոսկովյան փառատոնին, որը տեղի կունենա ապրիլի 30-ին «Մոսկվիչ» մշակութային կենտրոնում: Փառատոնի հյուրերի թվում են դուդուկահարներ Մոսկվայից, Սանկտ Պետերբուրգից, Իրկուտսկից, պատանի վիրտուոզ Արամ Ավետիքյանը Մոսկվայից և այլոք: Փառատոնի կազմակերպիչն է dudukist-ru-ն Մոսկվայի երիտասարդական կազմակերպությունների աջակցությամբ: «Իսկական հայկական մշակույթը դա բարձրակարգ երաժշտություն է: Մեր երաժշտությունը նման է եվրոպականին, բայց միևնույն ժամանակ միանգամայն այլ է: Լուրջ երաժշտությունն ամբողջ աշխարհն է լսում, այն չի մեռնում, վեհ երաժշտությունը չի մեռնում: Ես նվագում եմ ոչ միայն հայերի համար, որ հասկանան, թե ես ինչքան լավ եմ նվագում: Գուցե, գտնվի մի հայ, որ ասի թե ինքը Ջիվանից լավ է նվագում: Իմ երգացանկը հիմնականում հայկական է, բայց դա մի երաժշտություն է, որը լսում է ամբողջ աշխարհը… …Դուդուկի միջոցով հայի հոգին է երգում: Շատ բան է կախված նրանից, թե ով է նվագում և ինչպես: Իմ ոճն իսկական դասական հայկական դուդուկն է: Ես արդեն 65 տարի է բեմի վրա եմ, իսկ իմ հարազատները միայն ուրախ են, որ ես մինչ օրս ելույթներ եմ ունենում: Ես չեմ կարող տանը նստել, որովհետև ինձ ծեր չեմ համարում, և խորհուրդ եմ տալիս մարդկանց չվախենալ իրենց տարիքից: Մարդը պետք է առողջ լինի, և ինչպես ասում են Ռուսաստանում, ոգով տոկուն: Ես դեռ շատ բան ունեմ անելու՝ դպրոց եմ բացելու և երեխաները, որ այնտեղ կսովորեն, իմ հարստությունը կլինեն», -ասել է Ջիվան Գասպարյանը 3 տարի առաջ: Կարինե Տեր-Սահակյան / PanARMENIAN.Net Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |