The Wall Street Journal. Ուկրաինան ակնկալում է ու արժանի է Ամերիկայի աջակցությանը14 ապրիլի 2014 - 15:22 AMT PanARMENIAN.Net - «1954 թվականից ի վեր առաջին անգամ, երբ Ուկրաինայի կազակները ճակատագրական դաշինք կնքեցին Մոսկվայի հետ Լեհաստանի կառավարիչների դեմ, ուկրաինացիները վերադառնում են դեպի Արևմուտք» , - գրում է The Wall Street Journal-ը: Սակայն, ըստ պարբերականի, այժմ ընտրված է Ուկրաինայի համար չափազանց անպատեհ պահ, քանի որ թուլացած տնտեսությամբ Եվրամիությունը «խժռում է» Ռուսաստանից եկող էներգիան ու կեղտոտ փողերը՝ միաժամանակ խրատներ տալով Ուկրաինային արևմտյան արժեքների մասին, բայց հրաժարվելով նրան պաշտպանել: ԱՄՆ-ում իշխանությունն Օբամայի ձեռքում է, որը երկու անգամ հաղթեց ընտրություններում ՝ խոստանալով, որ Ամերիկան կհեռանա «թեժ կետերից»: Իր հերթին Պուտինը տեսնում է թույլ Արևմուտք ի դեմս նրա թուլամորթ ղեկավարների: Պուտինը զավթեց Ղրիմը, իսկ «անցած հանգստյան օրերին Ռուսաստանը ներխուժեց Ուկրաինայի արևելյան շրջաններ», պնդում է խմբագրական հոդվածի հեղինակը: Ի պատասխան Բրյուսելն ու Վաշինգտոնը ոչինչ չնշանակող հայտարարություններ արեցին: Վստահաբար, ուկրաինացիները եզրակացրեցին, որ միայնակ են մնացել: «Արևմուտքի դավաճանությունն անսպասելի հարված էր Ուկրաինայի համար: ԵՄ-ն միշտ պատրվակներ է գտնում մերժելու համար Ուկրաինային հեռանկարում այդ կազմակերպությանն անդամակցելու հարցում: Սակայն ԱՄՆ-ն հսկայական օգնություն է ցուցաբերել Ուկրաինային և խոստացել է պաշտպանել նրա ինքնիշխանությունը՝ Ուկրաինան փոխարենը մասնակցել է ՆԱՏՕ-ի բանավեճերին ու առաքելություններին: Եվ հիմա, երբ Ուկրաինան իր «վաղեմի զինակցից» հետախուզական տվյալներ է խնդրում, Վաշինգտոնը միայն բանակային օրապահիկներ է տրամադրում: 2008 թվականին Բուշի վարչակազմը փրկեց Վրաստանը՝ իր ռազմանավերն ու ռազմական ինքնաթիռներն ուղարկելով այնտեղ: Հակառակը, Օբամայի վարչակազմը կարծես համարում է, որ Պուտինին խաղաղեցնում են կանխարգելիչ զիջումները: Մարտին Օբաման բացառեց ԱՄՆ ներխուժման հնարավորությունն Ուկրաինա, ինչպես նաև Ուկրաինայի ու Վրաստանի անդամակցությունը ՆԱՏՕ-ին: Հաջորդ դիվանագիտական «նահանջը» կդառնան Ռուսաստանի, Ուկրաինայի, ԵՄ ու ԱՄՆ բանակցությունները: Տեղի բնակիչներին պատմական հիշողությունը սովորեցնում է հարգել ուժն ու անցնել հաղթողի կողմը: ԱՄՆ բանակը չի փրկի Սլավյանսկը: Բայց Ուկրաինան սպասում է և արժանի է ամերիկյան աջակցության այլ դրսևորումների, աջակցության, որը Վաշինգտոնը չի ցուցաբերում: Դավաճանությունը տգեղ բառ է և առավել ևս տգեղ արարք: Ուկրաինայում ԱՄՆ-ն ու Եվրոպան թանկ կվճարեն դրա համար», - վստահ է The Wall Street Journal-ը, հայտնում է Inopressa-ն: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |