ՌԴ ԱԳՆ. Ղրիմի, Մերձդնեստրի ու Լեռնային Ղարաբաղի միջև ուղիղ զուգահեռներ չկան14 ապրիլի 2014 - 17:40 AMT PanARMENIAN.Net - Ղրիմի, Մերձդնեստրի ու Լեռնային Ղարաբաղի միջև ուղիղ զուգահեռներ չկան: Այդ մասին հայտարարել է ՌԴ փոխարտգործնախարար Վասիլի Նեբենզին: Նա հիշեցրել է, որ ղարաբաղյան կարգավորմամբ զբաղվում է ԵԱՀԿ Մինսկի խումբը և նրա մեջ մտնող համանախագահները՝ ի դեմս ՌԴ-ի, Ֆրանսիայի և ԱՄՆ-ի ձգտում են աջակցել ադրբեջանցիների և հայերի միջև ուղիղ երկխոսությանը: «Վերջերս տեղի է ունեցել ԱՊՀ արտգործնախարարների խորհրդի նիստը, որի շրջանակներում տեղի է ունեցել Հայաստանի և Ադրբեջանի արտգործնախարարների հանդիպումը, բացի այդ, վերջերս տեղի է ունեցել նաև երկու երկրների առաջնորդների հանդիպումը: Գոյություն ունի նաև մերձդնեստրյան կարգավորման ձևաչափ՝ «5+2» և այդ ուղղություններով աշխատանքները շարունակվում են»,- ասել է ռուս դիվանագետը: Մարտի 16-ին Ղրիմում անցկացվեց տարածաշրջանի կարգավիճակի վերաբերյալ հանրաքվե: Քվեարկության մասնակցած թերակղզու բնակիչների մեծ մասը արտահայտվեց Ռուսաստանին միանալու օգտին: Ավելի ուշ Ղրիմի Գերագույն խորհուրդը անկախություն հռչակեց: Ռուսաստանի նախագահ Վլադիմիր Պուտինը ստորագրեց Ղրիմի ու Սևաստոպոլի` Ռուսաստանին միանալու մասին համաձայնագիրը վավերացնող օրենքը և դրանց` Ռուսաստանի կազմի մեջ մտնելու ու Դաշնության նոր սուբյեկտների ինտեգրման անցումային շրջանի մասին դաշնային սահմանադրական օրենքը: Ուկրաինայի և մի շարք արևմտյան երկրների իշխանությունները հանրաքվեն ապօրինի են համարում: Մերձդնեստրյան հակամարտությունը Մոլդովայի ու չճանաչված Մերձդնեստրի Մոլդավական Հանրապետության միջև է, վերջինս հավակնում է Դնեստր գետին հարող մի շարք տարածքների վրա, որոնք վերահսկում է այժմ և որոնց բնակիչները մոլդավացիներ են, ռուսներ ու ուկրաինացիներ, մոտավորապես հավասար քանակով: Դեռ խորհրդային տարիներին՝ 1989 թ. առաջացած հակամարտությունը Մոլդովայի անկախացումից հետո հանգեցրեց զինված առճակատման ու բազում զոհերի երկու կողմերից 1992 թվականի գարնանը: Ռազմական գործողությունները հաջողվեց կասեցնել Ռուսաստանի միջամտության շնորհիվ: Ռուսական զորքերը գեներալ Ալեքսանդր Լեբեդի հրամանատարությամբ միջամտեցին պաշտպանելու համար խաղաղ բնակիչներին ու դադարեցնելու համար արյունահեղությունը: Մոլդավական կողմը իր հերթին մշտապես բարձրաձայնում է ռուսական զորքերը դուրս բերելու անհրաժեշտության մասին: Ներկայումս անվտանգությունն ապահովում են Ռուսաստանի, Մոլդովայի, Մերձդնեստրի Մոլդավական Հանրապետության խաղաղապահ ուժերը և ռազմական դիտորդներ Ուկրաինայից: Ռուսաստանի, Ուկրաինայի ու ԵԱՀԿ միջնորդությամբ բազմաթիվ բանակցությունները Մերձդնեստրի կարգավիճակի շուրջ արդյունք չեն տվել: Հարաբերությունները հակամարտության կողմերի միջև մնում են լարված: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |