Սիրիական բանակն ազատագրել է քրիստոնեական Մաալուլան14 ապրիլի 2014 - 18:18 AMT PanARMENIAN.Net - Ապրիլի 14-ի առավոտյան Սիրիայի զինված ուժերը վերականգնել են հսկողությունը Մաալուլա քաղաքում: Անտիոքի և համայն Արևելքի կաթոլիկ եկեղեցու պատրիարք Գրիգորիուս Երրորդ Լյահհամը խորհրդանշական է համարել սիրիական բանակի հաղթանակը Մաալուլայում՝ վստահություն հայտնելով, որ դրան կհաջորդի ահաբեկիչներից Սիրիայի լիակատար ազատագրումը: Պատրիարքը ողջույնի ուղերձ է հղել սիրիացի զինվորներից յուրաքանչյուրին: Գրիգորիուս Երրորդն ասել է, որ ավազակային կազմավորումները դաժան հանցագործություներ են կատարել երկրի տարբեր մասերում, այդ թվում Մաալուլայում, Սբ Թեկլայի վանքում: Նա հավաստիացրել է, որ ահաբեկիչների ավերած շենք ու շինությունները նորից կկառուցվեն և խոստացել է Մաալուլա այցելել առաջիկայում, հայտնում է սիրիական SANA գործակալությունը: Մաալուլան համարվում է Սիրիայում քրիստոնեական ներկայության խորհրդանիշը: Տեղի բնակչությունը խոսում է գրեթե անհետացած նոր եբրայերենով, համարվում է, որ եբրայերենով է խոսել Հիսուս Քրիստոսը: Մինչ պատերազմը քրիստոնյաները Սիրիայում կազմում էին բնակչության 10 տոկոսը: 2011 թվականից երկրում սպանվել է մոտ հազար քրիստոնյա, ավերվել է 40 եկեղեցի ու քրիստոնեական այլ հաստատություններ: Շուրջ 300 հազար քրիստոնյաներ փախել են երկրից: Դեկտեմբերի 3-ին Սիրիայում «Ջաբհաթ ալ-Նուսրա» խմբավորման անդամները, որում ընդգրկված են ծայրահեղ իսլամիստներ, հսկողության տակ էին վերցրել Մաալուլա քրիստոնեական բնակավայրը: Մաալուլայում զինյալները հարձակվել են մենաստանի վրա և գերի վերցրել միանձնուհիներին և մայրապետին։ Սբ Թեկլայի վանքը պաշարված մնաց մոտ 3 ամիս, իսկ միանձնուհիները որպես պատանդ էին պահվում: 2014 թվականի մարտի 10-ին նրանց ազատեցին: Լաթաքիա գավառի հյուսիսում բանակը հսկողություն է հաստատել Սելդրին բարձունքի վրա, որը գերիշխում է արևմուտքի Քեսաբի վրա: Բանակը շարունակում է գործողությունն ահաբեկիչների դեմ: Մարտի 21-ին, խախտելով բոլոր միջազգային իրավունքներն ու նորմերը, թուրքական կողմը գնդակոծեց Սիրիայի հայաբնակ գյուղերն ու ավանները, իսկ հետո ճանապարհ բացեց գրոհայինների համար, որպեսզի նրանք գրավեն հայկական բնակավայրերը: Գրոհայինների հարձակումից հետո մոտ 400 հայ ընտանիքներ (այլ տվյալներով մոտ 600 ընտանիք) Քեսաբից տարհանվել ու ապաստանել են Լաթակիայում, իսկ մի քանի մարդու ճակատագիրն անհայտ է մնում: Ապստամբները պղծել են Քեսաբի եկեղեցին, թալանել տներն ու քանդել մի շարք կառավարական շենքեր: Զոհեր Քեսաբի հայերի թվում չկան: Ապրիլի 13-ին «Հայաստան» հիմնադրամը Սիրիայում Հայաստանի դեսպանատան միջոցով Լաթաքիայի շտապ օգնության ծառայությանն է փոխանցել Քեսաբի հայերի համար նախատեսված օգնության առաջին դրամաբաժինը՝ 63 060 դոլար: Աղբյուրը Հալեպում հայտնել է, որ բանակային ստորաբաժանումները խափանել են գրոհայինների մուտքը Բուստան Ալ Բաշա թաղամաս: Հարձակվողների թվում կան զոհեր ու վիրավորներ: Ավարեդ թաղամասում զինվորականները ոչնչացրել են 12 ահաբեկչի, այդ թվում 5 դիպուկահարի: Հալեպ-Դամասկոս ավտոճանապարհին ոչնչացվել է Ահրար աշ Շամ ահաբեկչական խմբավորման 16 գրոհային: Հոմսում իշխանություններին են հանձնվել 7 գրոհայիններ Ալ Քարաբիս ու Ջուբ ալ Ջենդալի թաղամասերից: Քաղաքացիական պատերազմը Սիրիայում շարունակվում է արդեն 3 տարի: Ըստ ՄԱԿ-ի, այդ ընթացքում զոհվել է մոտ 125 հազար մարդ, 2 միլիոնը փախստական է դարձել, ևս 4 միլիոնը՝ ներքին տեղահանված անձիք են: Այժմ պայքար է գնում ինչպես կառավարական ուժերի ու ընդդիմության, այնպես էլ իսլամիստական խմբավորումների ներսում: Իսլամիստների նպատակն է ստեղծել շարիաթի օրենքներով ապրող պետություն: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Զախարովա․ ՌԴ–ն ՀՀ-ից հստակ արձագանքի է սպասում ԱՄՆ և ԵՄ հետ «ռազմաքաղաքական պայմանավորվածությունների մասին» Ըստ նրա, տեղեկություններ են հայտնվել, որ ապրիլի 5–ի հանդիպմանը ռազմաքաղաքական ոլորտին առնչվող պայմանավորվածություններ են ձեռք բերվել ՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննություն Երևանի կոնյակի գործարանը սկսել է ստորագրել խաղողի գնման պայմանագրերը Յուրաքանչյուր 1 կգ-ի դիմաց կվճարվի 140 դրամ Վարդենիսում 13-ամյա աղջկա են բռնաբարել. Նրա վիճակը ծանր է Քննչական կոմիտեի մամուլի խոսնակ Գոռ Աբրահամյանը հայտնել է, որ նախաձեռնվել է քրեական վարույթ |