Նյու Յորքում լույս է տեսել «Սայաթ-Նովա. Իմ նախնիների երգերը» ալբոմը

Նյու Յորքում լույս է տեսել «Սայաթ-Նովա. Իմ նախնիների երգերը» ալբոմը

PanARMENIAN.Net - Նյու Յորքում բնակվող ջազ դաշնակահար Արմեն Դոնելյանը նոր ալբոմ է թողարկել՝ «Սայաթ-Նովա. Իմ նախնիների երգերը»: Ալբոմը լույս է տեսել Հայոց ցեղասպանության 99-րդ տարելիցի շեմին, ներկայացված են XVIII դարի հայ բանաստեղծի ու երգահանի ստեղծագործությունները: Ալբոմում Սայթ-Նովայի երգերը հնչում են ջազային մշակմամբ, նաև դասական երաժշտության տարրերով:

Առաջին անգամ Արմեն Դոնելյանն այցելեց Հայաստան 1998 թվականին՝ մասնկցելով երևանյան առաջին ջազ փառատոնին: Արմեն Դոնելյանը ծնվել է 1950 թվականին Նյու Յորքում: Հայրական կողմի հարազատները Ամերիկա են տեղափոխվել Թուրքիայից, մայրը Սիրիայից է: Արմենը սկսել է լրջորն զբաղվել երաժշտությամբ 6 տարեկանից: Հայրը մի հին Steinway նվիրեց նրան (այն մինչ օրս երաժշտի տանն է), դրանից էլ ամեն ինչ սկսվեց: 1972թ. ավարտել է ԱՄՆ Կոլումբիայի համալսարանի երաժշտության բաժինը: 1975թ. դարձել է հայտնի աֆրո-կուբացի պերկուսիոնիստ Մոնգո Սանտամարիայի խմբի անդամ, որի շրջանակներում մասնակցել է բազմաթիվ համերգների, ձայնագրել մի շարք ալբոմներ: Հետագայում աշխատել է ջազի նշանավոր գործիչներ Լայոնել Հեմփթոնի, Սոնի Ռոլլինզի և այլոց հետ: 1980-ականներին ստեղծել է «Էսենս» ջազ համույթը: Հետո հաջորդեց Night Ark խումբը, որին մասնկցում էին նաև Արա Դինքջյանը, Մարկ Ջոնսոնն ու Արտո Թունջբոյաջյանը: Հենց այս խմբի կազմում Արմենն առաջին անգամ եղավ Հայաստանում: 90-ականներին աշխատել է Տաթևիկ Հովհաննիսյանի հետ և թողարկել է «Լսիր սրտիս զարկը» ձայնասկավառակը: Դոնելյանը մշակել է հայկական մեղեդիները ջազի համար: Ալբոմի պրոդյուսերն էր Ջորջ Ավագյանը: Ալբոմի ձայնագրությանը մասկանցել են Պակիտոն, Ֆրենկ Ուեսսը, Բեն Ռայլին, Կլաուդիո Ռոդիգին:

2002 թվականից Դոնելյանը վարպետության դասերով հանդես է գալիս Երևանի Կոմիտասի անվան պետական կոնսերվատորիայում, կազմակերպում է սեմինարներ:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---