Թերի է. Կառավարությունը չհավանեց «Կուտակայինի» պարտադիր բաղադրիչը հանելու մասին օրինագծը 4 հունիսի 2014 - 13:29 AMT PanARMENIAN.Net - Կառավարության հունիսի 4-ի նիստում քննարկվել է ԱԺ պատգամավորներ Հեղինե Բիշարյանի և Հովհաննես Մարգարյանի՝ օրենսդրական նախաձեռնության կարգով ներկայացրած «Կուտակային կենսաթոշակների մասին» օրենքում փոփոխություններ և լրացումներ կատարելու օրենքի նախագիծը, որով առաջարկվում է օրենքից հանել պարտադիր կուտակային բաղադրիչը: Վկայակոչելով ՀՀ սահմանադրական դատարանի որոշումը, որի պահանջներին մինչև սեպտեմբերի 30-ը պետք է համապատասխանեցվի օրենքը, և այն, որ նախագծի ընդունման դեպքում իրավական խառնաշփոթ կստեղծվի, Կառավարությունը թերի է համարել նախագիծը, որը «համակարգային առումով չի ապահովում իրավական անվտանգությունը և ընդունելի չէ»: Կառավարության եզրակացությունների հետ միասին այն սահմանված կարգով կներկայացվի ՀՀ Ազգային Ժողով: ՀՀ սահմանադրական դատարանի 2014 թվականի ապրիլի 2-ի N ՍԴՈ-1142 որոշման համաձայն՝ «Կուտակային կենսաթոշակների մասին» օրենքի դրույթները (իրավակարգավորումները) իրավական անվտանգությունը չխաթարելու նպատակով մինչև 2014 թվականի սեպտեմբերի 30-ը պետք է համապատասխանեցվեն նշված որոշման պահանջներին: Օրենքի նախագծին Կառավարության տված եզրակացության մեջ նշվում է, որ Սահմանադրական դատարանի որոշման պահանջների ամբողջական կատարման համար անհրաժեշտ միջավայր ապահովելու նպատակով, մայիսի 15-ին Ազգային ժողովն ընդունել է օրենքում փոփոխություն կատարելու մասին օրենքը: Ազգային ժողովը մայիսի 15-ին 67 կողմ, 18 դեմ և 29 ձեռնպահ ձայների հարաբերակցությամբ երկրորդ ընթերցմամբ ընդունել է«Կուտակային կենսաթոշակի մասին» օրենքում փոփոխություն կատարելու մասին կառավարության ներկայացրած օրինագիծը: Օրենքով նախատեսվում է, որ պարտադիր կուտակային վճարը հաշվարկելու և փոխանցելու պարտավորություն ունեցող անձն ազատվում է մինչև օրենքն ուժի մեջ մտնելն ընկած ժամանակահատվածի համար պարտադիր կուտակային վճարը չկատարելու կամ ուշացումով կատարելու համար օրենքով նախատեսված պատասխանատվությունից: Նախագահ Սերժ Սարգսյանն այն վավերացրել է մայիսի 26-ին: Զուգահեռաբար Կառավարությունն անհրաժեշտ աշխատանքներ է տանում որոշման պահանջներն ամբողջությամբ կատարելու ուղղությամբ, մասնավորապես, մշակում է կենսաթոշակային բարեփոխումների ամբողջական իրականացմանը միտված օրենքների նախագծերի փաթեթ: Նշված փաթեթի մշակման աշխատանքներում նախատեսվում է ներգրավել բոլոր շահագրգիռ քաղաքական ուժերին և քաղաքացիական հասարակության ներկայացուցիչներին: Վարչապետ Հովիկ Աբրահամյանի ներկայացրած եզրակացության մեջ մասնավորապես նշվում է, որ օրենքի նախագիծը չի համապատասխանում «Իրավական ակտերի մասին» ՀՀ օրենքի պահանջներին` 1) վերնագիրը չի համապատասխանում նախագծի բովանդակությանը, 2) նախագծի 1-ին հոդվածով սահմանվում է. «…կենսաթոշակային համակարգի և կամավոր կուտակային կենսաթոշակային բաղադրիչի կառուցվածքը,….», մինչդեռ օրենքը վերաբերվելու է միայն կենսաթոշակային համակարգի կամավոր կուտակային բաղադրիչին, իսկ կենսաթոշակային համակարգի կառուցվածքը սահմանված է «Պետական կենսաթո¬շակ¬նե¬րի մասին» Հայաստանի Հանրապետության օրենքով, 3) նախագծով առաջարկվում է վերանայել (հետաձգել) արդեն իսկ ուժի մեջ մտած (գործող) օրենքն ուժի մեջ մտնելու ժամկետները, ինչը իրավական տեսանկյունից անթույլատրելի է: Բացի դրանից, ներկայացված տեքստով նախագծի ընդունման դեպքում կստեղծվի իրավական խառնաշփոթ, քանի որ անդրադարձ չկա Սահմանադրությանը հակասող իրավադրույթներին համակարգային առումով փոխկապակցված ՀՀ մոտ 50 օրենքներին և ութ տասնյակից ավելի այլ նորմատիվ իրավական ակտերով նախատեսված իրավակարգավորումներին, մասնավորապես, «Պետական կենսաթոշակների մասին», «Ներդրումային ֆոնդերի մասին», «Եկամտային հարկի մասին», «Եկամտային հարկի և կուտակային վճարի անձնավորված հաշվառման մասին» և «Սնանկության մասին» ՀՀ օրենքներին: «Ելնելով շարադրվածից, Հայաստանի Հանրապետության կառավարությունը գտնում է, որ ներկայացված նախագիծը թերի է, այն համակարգային առումով չի ապահովում իրավական անվտանգությունը և ընդունելի չէ: Միաժամանակ հայտնում ենք, որ, ներկայացված օրենքի նախագիծը Հայաստանի Հանրապետության Ազգային ժողովում քննարկելիս, հարակից զեկուցմամբ հանդես կգա ՀՀ աշխատանքի և սոցիալական հարցերի նախարար Արտեմ Ասատրյանը: Նախագծի ընդունման դեպքում հարկ կլինի փոփոխություններ կատարել ոչ միայն վերը նշված օրենքներում, այլև «Կուտակային կենսաթոշակների մասին» օրենքից բխող` Կառավարության շուրջ 17 որոշումներում, դրանցից բխող գերատեսչական ակտերում, կենտրոնական բանկի նորմատիվ-իրավական ակտերում` վարչապետի համապատասխան որոշմամբ սահմանված ժամկետներում»,- նշվում է եզրակացության տեքստում: Կառավարության նիստից հետո աշխատանքի և սոցիալական հարցերի նախարար Արտեմ Ասատրյանը պատասխանել է լրագրողների հարցերին, թե ինչու կառավարությունը բացասական եզրակացություն տվեց այդ նախաձեռնությանը, ի վերջո, հասարակության պահանջն էլ է` հանել պարտադիր բաղադրիչը, հնարավոր չէր պատգամավորների հետ միասին քննարկել այդ հարցը: Նախարարը պատասխանել է, որ այդ նախագծով որևէ կարգավորում չէր տրվում առկա իրավիճակին, հետևաբար` ամբողջական կարգավորում տալու համար պետք է ամբողջական փաթեթ մշակվի, դա է կառավարության մոտեցումը, և այդ պատճառով օրինագծին բացասական եզրակացություն տրվեց, գրում է «Երկիրը»: Անդրադառնալով վերջին օրերին տարածված տեղեկատվությանը, համաձայն որի բազմաթիվ ուսուցիչներ, դասախոսներ ասել են` վախենում են հրաժարվել պարտադիր բաղադրիչից, քանի որ ով պարտադիր կուտակային բաղադրիչից հրաժարվելու դիմում է գրում, ասում են, որ աշխատանքից ազատվելու դիմում էլ գրի, նախարարը նշել է. «Ես կասեմ, որ այդպիսի վախ չպետք է լինի, քանի որ չկա այդպիսի խնդիր: Կա օրենք` ընդունված, և յուրաքանչյուր մարդ պետք է, այդ օրենքին համապատասխան, իր իրավունքներն իրացնի: Եվ եթե մենք կոնկրետ տեղեկատվություն ունենանք, ապա մենք ևս կոնկրետ կզբաղվենք այդ հարցով»: Մայիսի 31-ին հրավիրված մամուլի ասուլիսի ընթացքում «Դ!ԵՄ ԵՄ» նախաձեռնության անդամ ուսուցիչները հայտարարել են, որ Կուտակային կենսաթոշակային համակարգին չմասնակցելու մասին դիմումներ ներկայացրած ուսուցիչներից դպրոցի տնօրենները նաև ազատման դիմում են պահանջում: Ըստ «Դ!ԵՄ ԵՄ» անդամների, եղել են կրթական հաստատություններ, որտեղ աշխատողների դիմումներն ընդունվել են, բայց ինչպես իրնք են հավաստմում, չընդունած դիմումների թիվն ավելի մեծ է: Երևանի թիվ 50 հիմնական դպրոցի ուսուցչուհի Օվսաննա Հարությունյանի խոսքով, տնօրենները պատճառաբանում են, թե համապատասխան հրահանգ չունեն: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն |