Քամին հերթական անգամ պատառոտել է և պոկել Ադրբեջանի գլխավոր դրոշը23 հունիսի 2014 - 17:49 AMT PanARMENIAN.Net - Հունիսի լույս 22-ի գիշերը բարձրացած փոթորիկը, որը չդադարեց ամբողջ օրը, պատառոտել է Ադրբեջանի գլխավոր դրոշը Բաքվի դրոշի հրապարակում: Ինչպես գրում է Contact.az-ը, վայրկյանում 35-40 մետր արագության հասնող քամու հարվածներից ֆուտբոլի դաշտի մեծություն ունեցող դրոշը պատառոտվեց, իսկ հետո պոկվեց ձողից: Միջադեպը տեղի է ունեցել առավոտյան, այն նկարահանել են տեղի բնակիչները: Ընդ որում, ըստ ադրբեջանական ԶԼՄ-ների, «սա արդեն երկրորդ նման միջադեպն է»: «Առաջին անգամ դրոշը նույնպես պատառոտվեց մոտ երկու տարի առաջ ուժեղ քամու ժամանակ: Որից հետո ուժեղ քամու ժամանակ դրոշն իջեցնում էին: Հավանաբար, այս անգամ հրապարակի ղեկավարությունն ուշադրություն չէր դարձրել եղանակի կանխատեսմանը»: Իրականում, չնայած «երկրորդ միջադեպի» մասին հաղորդագրություններին, սա, առնվազն, արդեն վեցերորդ նման միջադեպն է կապված «ադրբեջանական ժողովրդի հպարտության»՝ հսկայական դրոշի հետ: 2007 թվականի դեկտեմբերի 30-ին տեղի ունեցավ Բաքվի Պետական դրոշի հրապարակի հիմնարկեքը, որտեղ տեղադրվեց Ադրբեջանի ամենամեծ դրոշը: Ամերիկյան Trient Support ընկերության հեղինակած նախագիծն իրագործեց ադրբեջանական Azenko ընկերությունը: Հրապարակի կառուցման համար ծախսվեց 35 մլն դոլար Ադրբեջանի պետբյուջեից: 2010 թ, սեպտեմբերի 1-ին՝ հրապարակի բացման հաջորդ օրը, 350 կգ քաշ ունեցող դրոշն իջեցվեց՝ պատռվելով ուժեղ քամուց: Այն ժամանակ գրանցվեցին նաև ձողի վտանգավոր տատանումներ՝ հարկ եղավ տարհանել մոտակա տների բնակիչներին: Եվս մեկ «տհաճ« փաստ տեղի ունեցավ 2011 թ. մարտի 23-ին: Ուժեղ քամին պատառոտում էր դրոշը մոտ 14 ժամ, երբ դրոշը կիսով չափ իջեցվեց, այն արդեն ցնցոտիի էր վերածվել: Ոստիկանությունը շրջափակեց հրապարակը և բոլոր մերձակա փողոցները, մինչև որ, հանվեց այն, ինչ մնացել էր պետական դրոշից: Վերջին խոշոր արտակարգ դեպքը դրոշի հետ կապված տեղի ունեցավ ապրիլի 9-ի երեկոյան: Ըստ վարկածներից մեկի, դրոշը ճղվեց սաստիկ քամու պատճառով, մեկ այլ վարկածով՝ խնդիրը գործվածքն է, որից կարված է դրոշը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |