Էլէներգիայի գնի բարձրացման դեմ ակցիան ավարտվել է բախումով. 27 անձ տարվել է ոստիկանություն, 2-ը` հոսպիտալացվել 23 հունիսի 2014 - 19:20 AMT PanARMENIAN.Net - «Կանխենք էլեկտրաէներգիայի թանկացումը» նախաձեռնությունը հունիսի 23-ին Հանրային ծառայությունները կարգավորորղ հանձնաժողովի շենքի դիմաց, որտեղ հարցով հանրային լսումներ էին անցնում, բողոքի ակցիա էր կազմակերպել: Ոստիկանները պատ էին կազմել` թույլ չտալով ակտիվիստներին մոտենալ ՀԾԿՀ վարչական շենքին: Սակայն նրանցից ոմանք ճեղքել են պատը և բարձրացել հանձնաժողովի շենքի մուտքի մոտ: Արդյունքում բախում է տեղի ունեցել նախաձեռնության անդամների և ոստիկանների միջև և երկու քաղաքացի տարվել է ոստիկանություն: Ակցիայի մասնակիցները, որպես բողոքի նշան, փակել են Սարյան փողոցը` խաթարելով երթևեկությունը: Արդյունքում ոստիկանների և ակտիվիստների միջև կրկին բախում է տեղի ունեցել և այս անգամ արդեն ոստիկանություն է տարվել 25 քաղաքացի: PanARMENIAN.Net ի հետ զրույցում ոստիկանության լրատվական վարչությունից հայտնեցին, որ ընդհանուր առմամբ բաժին է բերվել 27 քաղաքացի: Նրանցից 26-ի նկատմամբ կազմվել է արձանագրություն «Վարչական իրավախախտումների մասին» օրենքի 182 հոդվածով` հասարակական կարգի պահպանության պարտականությունները կատարելու ընթացքում ոստիկանության ծառայողի կամ զինծառայողի օրինական կարգադրությանը կամ պահանջին չարամտորեն չենթարկվելու համար. այն սահմանում է 10-ից` 50.000 դրամ տուգանք, և բաց են թողել, իսկ 1 քաղաքացի քննչական բաժնում է՝ նյութեր են նախապատրաստվում: Բախումների արդյունքում 2 քաղաքացի մարմնական վնասվածքներով տեղափոխվել է հիվանդանոց: Ակտիվիստները պնդում են, որ նրանց հարվածել են ոստիկանները: ՀԿԾՀ շենքի դիմացից Երևանի «Գրիգոր Լուսավորիչ» հիվանդանոց տեղափոխված ակտիվիստ Արա Կարագյոզյանի վիճակը կայուն է, նա այժմ հետազոտման փուլում է, սակայն նախնական ախտորոշումն է կրծքավանդակի սալջարդ, գրում է Aysor.am-ը: Բողոքի ակցիայի մասնակիցները շարժվել են դեպի ոստիկանության Կենտրոնի բաժին՝ պահանջելու ազատ արձակել երկու տասնյակից ավելի բերման ենթարկվածներին: Մինչև այդ նրանց է մոտեցել Մարդու իրավունքների պաշտպանության արագ արձագանքման վարչության պետը, որը զրուցել է ոստիկանների և բողոքող քաղաքացիների հետ և հեռացել, գրում է Tert.am-ը: Հանրային ծառայությունները կարգավորող հանձնաժողովը նախատեսում է օգոստոսի 1-ից էլեկտրաէներգիայի սակագինը բարձրացնել է: Էլեկտրաէներգետիկական համակարգի ընկերությունների ֆինանսական կայունության և սպառողներին հուսալի ու անվտանգ էլեկտրամատակարարման ապահովման նպատակով անհրաժեշտ է շուրջ 20 մլրդ դրամ լրացուցիչ գումար: Ընկերություններում առաջացող ֆինանսական ճեղքվածքը փակելու համար նախատեսվում է բոլոր սպառողական խմբերին մատակարարվող էլեկտրաէներգիայի գործող սակագների բարձրացում 3,8-4,3 դրամ/կՎտժ-ի սահմաններում: Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Զախարովա․ ՀՀ–ն կարող է ծուղակում հայտնվել՝ տրվելով պատրանքին, թե ԵՄ հետ մերձեցումը բարգավաճում է բերում «Կարևորն այն է, որ ԵՄ երգերի գառան մորթու տակ թաքնված չլինեն, ինչպես միշտ, արյունարբու գայլը կամ վագրը»,–ասել է նա Փաշինյան․ ՀՀ-ում կա մի կառավարություն, և այդ կառավարությունը նստած է այս դահլիճում Ըստ նրա, ԼՂ–ից բռնի տեղահանված որոշ շրջանակ կամա թե ակամա անում է քայլեր, որոնք սպառնալիք են ստեղծում ՀՀ անվտանգության համար Շահրամանյանը՝ Le Figaro–ին․ Գիտեի՝ ԼՂՀ-ն «լուծարելու» փաստաթուղթն անօրինական էր, բայց մարդկանց փրկելու միակ միջոցն էր Նա խնդրել է Ֆրանսիային՝ ճնշում գործադրել Ադրբեջանի վրա բոլոր գերիների ազատ արձակման պահանջով ՀԱՊԿ քարտուղար․ ՀՀ–ն իրոք չի մասնակցում քարտուղարության աշխատանքին, բայց կասեցման դիմում չի ներկայացրել Նա շեշտել է, որ Հայաստանը շարունակում է մնալ ՀԱՊԿ դաշնակիցը և որ բոլոր պարտավորությունները մնում են ուժի մեջ |