Պաշտպանության նախարարը` դիվերսիաների, գնդակոծվող գյուղերի ու ԵԱՀԿ Մինսկի խմբի մասին10 հուլիսի 2014 - 11:31 AMT PanARMENIAN.Net - Ադրբեջանը հրադադարի ռեժիմը խախտելու, խաղաղ բնակչության վրա կրակ բացելու և դիվերսիաներ անելու հարցում կարծես փոխել է մարտավարությունը, և հակառակորդի կողմից սահմանային խախտումների ավելացման առումով տարին առանձնահատուկ էր: Ադրբեջանը հրադադարի ռեժիմը խախտել է թե' դիվերսիոն խմբերի, թե՛ դիպուկահարների կրակոցների միջոցով: Նախօրեին հարավ-արևմտյան սահմանագոտում տեղակայված հենակետ այցելության ժամանակ տված մամուլի ասուլիսում պաշտպանության նախարար Սեյրան Օհանյանը, նման տեսակետ հայտնելով, հավելել է, որ արդեն ավանդական ուղղություններից բացի հակառակորդը գործողություններ է իրականացնում սահմանի այլ հատվածներում, կրակ բացում այն գյուղերի վրա, որոնք մշտական գնդակոծության տակ չեն եղել: Նա այս քայլն անվանել է հայկական կողմի վրա ազդելու նոր փնտրտուք: Բայց, ըստ նախարարի, դրանք անկասկած բարձրացնում են մեր հրամանատարների հսկողությունը, և այդ փորձությունները մեզ մշտապես զգոն վիճակում են պահում: «Ցանկացած պետության պաշտպանության համար պատասխանատու պաշտոնյայի համար, մինչև որևէ հանձնարարություն տալը, իրադրության գնահատումը, սթափ որոշումներ ընդունելն ամենակարևոր խնդիրներից մեկն է: Նրանք պետք է հաշվի առնեն, որ այդ հանձնարարությունները կարող են ձնագնդի էֆեկտ ունենալ, հակառակ կողմից քառապատկվել ու բումերանգի նման հարվածել իրենց»,- հայտարարել է Սեյրան Օհանյանը: Նա նշել է, որ Հայաստանի զինված ուժերը, մարտական հերթապահություն իրականացնող ամբողջ անձնակազմը պատասխանում է միայն ու միայն նպատակային կրակոցներին, և այդ պատասխանները շատ դեպքերում լինում են հուժկու, անհամաչափ: «Ոչ նպատակային կրակոցներին երբևէ չենք պատասխանում: Եթե Ադրբեջանի կողմից նպատակային կրակոցներն ավելանան, ապա ցավալի, հուժկու հարվածը նրանք իրենց մաշկի վրա կզգան: Մենք հակառակորդի խաղաղ բնակավայրերը չենք գնդակոծել: Խիստ պատժելու ենք այն զինծառայողներին, ովքեր մեր բնակավայրերի վրա կրակներ են արձակում: Պետք է հաշվի առնել, որ մենք գործ ունենք զինծառայողների կյանքերի հետ: Չգիտեմ` Ադրբեջանի քաղաքական ղեկավարությունը բարոյական ինչ նորմերով է ուղղորդվում, միգուցե նրանք իրենց աշխատասենյակներում նստած համակարգչային խաղ են խաղում, բայց մեզ համար յուրաքանչյուր զինծառայողի կյանքը, յուրաքանչյուր անհատի անձնական ապահովությունը բացարձակ արժեքներ են»,- վստահեցրել է նախարարը: Նախարարի գնահատմամբ` խախտումները բանակցային գործընթացը խաթարելու փորձ են. «Չհասկանալով, որ միակողմանի պարտադրանքն անհնար է, նրանք լարում են իրավիճակը: Պարտադրած պատերազմում ունեցել ենք հաջողություն: Այժմ նրանք պարտադրում են ուժերի, սպառազինության մրցավազք: Միայն երկկխոսության միջոցով, վստահության եզրերի ձևավորման արդյունքում հնարավոր կլինի ստեղծել մթնոլորտ բանակցային գործընթացն առաջ տանելու համար, իսկ դա դիպուկահարների հետ քաշելն է, դիվերսիոն հետախուզություններից հրաժարվելը և սահմանին զոհերի վերաբերյալ միջազգային հետաքննության անցկացնումը»,- հայտնում է «Երկիր մեդիան»: Հարցին` ինչու պարբերաբար դիտարկումներ անցկացնող ԵԱՀԿ Մինսկի խումբը չի տեսնում ու նկատում հայկական բնակավայրերի վրա արձակված կրակոցներն ու դրանց հետքերը, նախարարը պատասխանել է. «ԵԱՀԿ Մինսկի խումբը զբաղվում է ԼՂՀ խնդրով, և նրանց աշխատանքի շնորհիվ արդեն երկար տարիներ թեկուզ հարաբերական, բայց խաղաղ անդորրը կարողանում ենք պահպանել: Կառուցողական մոտեցման շնորհիվ մենք կարող ենք հարցի լուծման վերջնական եզրագծին հասնել, ընդ որում` հաշվի առնելով, որ հակամարտության գործում հակամարտության կողմ է ԼՂՀ-ն, հարցի լուծման վերջնագծում կարող է այնպես լինել, որ մենք ԼՂՀ կողմի հետ նորից սկսենք զրոյից»,- գրում է Panorama.am-ը: Նախարարի ասուլիսից ժամեր անց հակառակորդը կրկին ակտիվացել է. Ադրբեջանական կողմը գիշերը կրակ է բացել Տավուշի մարզի սահմանամերձ Չինարի գյուղի ուղղությամբ և 4 ժամ շարունակ կրակի տակ պահել բնակավայրը: «Կրակոցներ են եղել մինչև գիշերը ժամը 1:30-ը: Թեթևակի վնասներ են` տանիք, պատուհան: Ժողովուրդն արդեն սովորել է, պաշտպանվում են: Գիշերային ժամերին լույսերն անջատում ենք, մի տեղ պատսպարվում»,- նշել է Չինարի համայնքի ղեկավար Սամվել Սաղոյանը: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն |