Սուխումը դեմ չէ երկաթուղու վերաբացմանը, բայց Աբխազիայի անկախության ճանաչման դեպքում10 հուլիսի 2014 - 17:24 AMT PanARMENIAN.Net - Աբխազիան դեմ չէ միջանցիկ երկաթուղային հաղորդակցության վերսկսմանը Հայաստանի համար, սակայն այդ գաղափարը կարող է քննարկվել միայն Աբխազիայի անկախության ճանաչման դեպքում, հայտարարել են հանրապետության խորհրդարանականները: Աբխազիայի հայ հանրության ներկայացուցիչները հուլիսի 8-ին հանդես են եկել աբխազական երկաթուղու վերագործարկման շուրջ լայն հանրային քննարկում նախաձեռնելու առաջարկով, ինչը տնտեսապես շահավետ է Աբխազիայի համար: Փաստաթուղթը ստորագրել են խորհրդարանի փոխխոսնակ, Աբխազիայի Հերոս Վաղարշակ Քոսյանը, ինչպես նաև երկրորդ գումարման խորհրդարանի պատգամավոր, Աբխազիայի Հերոս Գալուստ Տրապիզոնյանը, Լեոնի շքանշանակիր Կարապետ Ղարագյոզյանը և չորրորդ գումարման խորհրդարանի պատգամավոր Վալերի Մայրումյանը: Աբխազիայի խորհրդարանականները դժկամությամբ են ընդունել այդ կոչը և սադրիչ են համարում այդ առաջարկը նախընտրական շրջանում: Օգոստոսի 24-ին Աբխազիայում կայանալու են նախագահի արտահերթ ընտրություններ: Պատգամավորներին վրդովեցրել է հետևյալ ձևակերպումը՝ «երկաթուղու աբխազա-վրացական հատվածը»: Պատգամավորները գտնում են, որ փաստաթուղթը ստորագրած մարդիկ բոլորը Հայրենական պատերազմի մասնակիցներ են, Աբխազիայի հերոսներ, և չէին կարող գիտակցաբար նման ձևակերպում օգտագործել, որը նվաստացնում է Աբխազիայի պետականությունը: Փոխխոսնակ Վաղարշակ Քոսյանը հայտրարարել է, որ դա ընդամենը կոչ է, և ոչ մի քաղաքական իմաստ չի ենթադրվել, այն կազմված է ելնելով երկրի զուտ տնտեսական շահերից: Քոսյանը գտնում է, որ նամակի հեղինակները ընդամենը ցանկանում են լսել պատգամավորների ու հանրության կարծիքը, այդ թվում նաև նախագահության ապագա թեկնածուների: Պատգամվոր Արթուր Միկվաբիան հայտարարել է, որ Աբխազիայով դեպի Հայաստան երկաթուղային միջանցիկ հաղորդակցության վերականգնման հարցը նախագահական ընտրությունների շեմին սեպ է խրում հայերի ու աբխազների միջև, հայտնում է «Նովոստի-Արմենիան»: Ըստ NDI-ի անցյալ տարի անցկացված հարցման, Վրաստանի բնակիչների 63 տոկոսը կողմ է աբխազական երկաթուղու վերաբացմանը, որը միացնում է Ռուսաստանը Հայաստանի հետ: Հարցումն անց է կացվել Վրաստանի ամբողջ տարածքում 3103 անձանց շրջանում: Դեմ է եղել հարցվածների 13 տոկոսը: 2013-ի սեպտեմբերի 2-ին Վրաստանի այն ժամանակվա վարչապետ Բիձինա Իվանիշվիլին հայտնեց, որ սեղմ ժամկետում կլուծվի աբխազական երկաթուղու վերաբացման հարցը: «Մենք ունենք նման ցանկություն և պատրաստ ենք լուծելու այդ հարցը»,-ասել էր նա: ԽՍՀՄ շրջանում աբխազական երկաթուղով տեղափոխվում էր 24 զույգ բեռնատար գնացք և 14 զույգ ուղևորատար: Երկաթուղային հաղորդակցությունն ընդհատվեց 1990-ականներին: Պատճառը Ինգուրի գետը կապող երկաթուղային կամուրջի պայթեցումն էր 1992: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ |