  Հալեպում գնդակոծության արդյունքում 4 հայ է զոհվել 31 հուլիսի 2014 - 12:10 AMT PanARMENIAN.Net - Հուլիսի 30-ին Հալեպի Չալլա թաղամասում արկի պայթյունի հետևանքով զոհվել է հայազգի Սոնա Բալքյանը: Օրվա երկրորդ կեսին Նոր Գյուղ թաղամասում Զվարթնոց եկեղեցու մոտ արկի պայթյունից զոհվել է Ազնիվ Արուշյանը: Վիրավորվել են Ջուլիետա Խաչատուրյանը, Գևորգ Թաշչյանը, Րաֆֆի Այվազյանը, Հակոբ Հակոբյանը և Գևորգ Ղալեմքերյանը: Ավելի ուշ Գևորգ Ղալեմքերյանը մահացել է հիվանդանոցում, հայտնում է Horizonweekly.ca-ն: Ինչպես ասվում է «Գանձասար» թերքի Facebook-յան էջում, հուլիսի 31-ի երեկոյան Զվարթնոց եկեղեցու հարևանությամբ արկի պայթյունից զոհվել է Ազնիվ Արուշյանի քույրը՝ Արաքսի Արուշյան-Խաչատուրյանը: Հունիսին Ամերիկայի Հայ Դատի հանձնախումբը (ANCA) նախաձեռնեց #SaveAleppo արշավը: Սիրիական այդ քաղաքի մեկ քառորդը կազմող հայ բնակչությունը վերջին օրերին ենթարկվում է գնդակոծության զինյալ խմբավորումների կողմից, որոնք փլատակների էին վերածում քաղաքը: Հանձնախումբը կոչ արեց հեռաձայնել կամ նամակ գրել նախագահ Օբամային ՝ հորդորելով նրան անհապաղ միջամտել՝ առաջին հերթին կասեցնելու համար Հալեպի քրիստոնյա թաղամասերի ռմբակոծությունները, երկրորդ, ճնշում գործադրել Թուրքիայի վրա որպեսզի վերջինս բացի Եփրատի ջրերի հոսքը դեպի Սիրիա, երրորդը՝ պատասխանի վերջապես ANCA հարցմանը Քեսաբի վրա հարձակման գործում Թուրքիայի դերի մասին: Եվրոպայի Հանուն արդարության և ժողովրդավարության հայկական դաշինքը (EAFJD) բաց նամակ հրապարակեց, կոչ անելով գործել, կասեցնելու համար Հալեպի Նոր Գյուղ հայկական թաղամասի ոչնչացումը: Սիրիայում արդեն 3 տարի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 125 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են: Հայերը Սիրիայում հիմնականում բնակվում են Հալեպում ու Դամասկոսում: Մինչ պատերազմը սիրիահայ համայնքը հասնում էր 80 հազարի: Այժմ շուրջ 10 հազար սիրիահայեր հաստատվել են Հայաստանում, 5 հազարը՝ Լիբանանում: 2,5 տարում Սիրիայում մոտ 100 հայ է զոհվել:   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը  Ետալեանը ներկաներին պատմել է AKNEYE-ի հետ գործակցության սեփական փորձի մասինՀանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման»Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |
