  Ուորլիք. ԵԱՀԿ ՄԽ-ն առաջիկայում կայցելի տարածաշրջան, իսկ Սարգսյանն ու Ալիևը կրկին կարող են հանդիպել աշնանը 13 օգոստոսի 2014 - 11:56 AMT PanARMENIAN.Net - ԵԱՀԿ ՄԽ ամերիկացի համանախագահ Ջեյմս Ուորլիքը հայտարարեց, որ առաջիկայում միջնորդները մտադիր են այցելել տարածաշրջան: Այցի ստույգ ժամկետը չի նշվում, հայտնում է ԱՊԱ գործակալությունը: Ուորլիքը նշել է նաև, որ Հայաստանի ու Ադրբեջանի նախագահները կարող են հանդիպել աշնանը՝ շարունակելու համար Սոչիում սկսված քննարկումները հակամարտության կարգավորումն առաջ տանելու միտումով: «Համանախագահները պատրաստ են աջակցել առաջընթացին բանակցություններում: Հայ և ադրբեջանցի ժողովուրդները պետք է հասկանան, որ շարունակվող հակամարտությունը չի բխում իրենց շահերից: Հուսով եմ, մարդիկ կքվեարկեն հանուն խաղաղության»,-ասել է դիվանագետը: Օգոստոսի 12-ին Ուորլիքը հայտարարեց, որ ԱՄՆ-ն գոհ է Հայաստանի, Ադրբեջանի և Ռուսաստանի նախագահների եռակողմ հանդիպումից, որը կայացավ օգոստոսի 10-ին Սոչիում, որի ժամանակ քննարկվեց ղարաբաղյան հակամարտությունը: Ուորլիքը մատնանշեց այն փաստը, որ նախագահները հաստատեցին յակամարտության կարգավորման վերաբերյալ իրեցն հանձնառությունը: «Հուսով ենք, որ շփման գծում իրավիճակը կկայունանա, և կողմերը, քաղաքական կամք դրսևորելով, խնդրի կարգավորման համար կգործակցեն ԵԱՀԿ Մինսկի խմբի համանախագահների հետ»,- ադրբեջանական գործակալությանն ասել է Ուորլիքը: Ավելի վաղ ամերիկացի համանախագահը հայտարարել էր, որ ղարաբաղյան հակամարտությունը չի կարելի այլևս սառեցված համարել, քանի որ տարածաշրջանում բախումներ են տեղի ունենում: «Ցավոք, տարածաշրջանում տեղ գտնող բախումները փաստում են, որ հակամարտությունը այլևս սառեցված չէ։ Փորձի՛ր բացատրել վիրավոր կամ զոհված զինվորի ընտանիքին, որ այս հակամարտությունը սառեցված է։ Բնավ, տիրող իրավիճակը մեզ մեծապես անհանգստացնում է, և անշուշտ պետք է անհապաղ քայլեր ձեռնարկել իրավիճակը մեղմելու ուղղությամբ։ Առաջին քայլը նախագահների հնարավոր հանդիպումն է Սոչիում, և հուսով ենք, որ այս հանդիպումը թույլ կտա կասեցնել բախումները հայ-ադրբեջանական սահմանում, մենք հուսով ենք նաև, որ այս հանդիպումը թույլ կտա կասեցնել սադրիչ հայտարարությունները, որոնք չեն կարող որևէ դրական առաջնթացի հանգեցնել»,-ասել է Ուորլիքը: Օգոստոսի 10-ին Սոչիում կայացել է Հայաստանի, Ռուսաստանի և Ադրբեջանի նախագահների եռակողմ հանդիպումը։ Նախագահները հաստատել են ղարաբաղյան հիմնախնդիրը խաղաղ բանակցությունների միջոցով լուծելու պատրաստակամությունը: Իր խոսքում նախագահ Սարգսյանը նշել է, որ հիմնախնդիրը պետք է լուծել փոխզիջման և այն սկզբունքների հիման վրա, որոնք առաջարկել են Մինսկի խմբի համանախագահները: Հղումներ թեմայով.   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժե Վերջին լուրեր Բերման է ենթարկվել անհնազանդության ակցիաների 29 մասնակից, որից 17–ը՝ Երևանում  Վեդիում բերման է ենթարկվել Լևոն ՔոչարյանըԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունենԱլիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ էԾիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ |
