Capital Cities ինդի փոփ խումբը Երևանում է. Սեպուհ Սիմոնյանը հանդես կգա համերգներով15 օգոստոսի 2014 - 17:43 AMT PanARMENIAN.Net - Capital Cities ինդի փոփ խմբի մենակատար Սեպուհ Սիմոնյանն առաջին անգամ հանդես կգա երեք համերգային ծրագրով, ասել է նա լրագրողներին, հայտնում է «Նովոստի-Արմենիան»: «Շատ ուրախ եմ, որ հաջողվեց Հայաստան այցելել, իմ հայրենիքը, ուրախ եմ, որ կկարողանամ ներկայացնել ինչպես Capital Cities-ի կոմպոզիցիաները, այնպես էլ իմ առանձին աշխատանքները»,-ասել է երգիչը: Սեպուհ Սիմոնյանը 3 համերգ կտա Երևանում՝ օգոստոսի 15-ին, 17-ին և 20-ին Dj set ոճով ու կենդանի ակուստիկ համերգով: Համերգներին կմասնակցեն նաև հայտնի դուդուկահար Ջիվան Գասպարյան-կրտսերը, Bambir-ի մենակատարներից և երգերի հեղինակներից մեկը՝ Նարեկ Բարսը (Բարսեղյան) և ԱՄՆ-ում հանդես եկող երգչուհի Սոսե Քեշիշյանը: «Մինչ Հայաստան այցելելս Քեթի Փերիի հետ համերգաշարով եղել եմ Ճապոնիայում, Հարավային Կորեայում, Մեքսիկայում: Մինչ տարեվերջ մենք մտադիր ենք համերգներով հանդես գալ նաև Հարավային Ամերիկայի երկրներում, Ռուսաստանում և համերգային շրջագայություն կունենանք ԱՄՆ-ում»,-ասել է երգիչը: Անդրադառնալով նոր ծրագրերին՝ երգիչն ասաց, որ խումբը նոր երգ է ձայնագրել Սերժ Թանկյանի հետ: Ըստ նրա, նոր երգը շուտով լույս կտեսնի, իսկ ընդհանուր առմամբ Capital Cities խումբը մտադիր է շրջագայել տարբեր երկրներում՝ ներկայացնելով «In A Tidal Wave Of Mystery» ալբոմը, իսկ կարճատև հանգստից հետո նոր նախագծերի վրա կաշխատի: Երգիչը նշեց նաև, որ վերջին անգամ Հայաստան էր այցելել 2008-ին և հասցրել է լինել Լոռւ մարզում, Սյունիքում ու Արցախում, բայց ոչ որպես երգիչ: Սեպուհ Սիմոնյանը իր ստեղծագործական ուղին սկսել է «Այո» խմբում, որից հետո մասնակցել է Unknown Project և AVR նախագծին: Capital Cities-ը հայտնի ամերիկյան խումբ է Լոս Անջելեսից, որի երաժշտությունը դասվում է ինդի փոփ ոճին: Դուետը ձևավորվել է 2008 թվականին, և կազմված է ամերիկացի երգիչ Ռայան Մերչանտից (վոկալ, ստեղնաշարային գործիքներ) և հայազգի երգիչ Սեպուհ Սիմոնյանից (վոկալ, ստեղնաշարային գործիքներ)։ Դուետը համաշխարհային ճանաչում է ձեռք բերել իր 2011 թվականին թողարկված «Safe and Sound» երգի շնորհիվ, որը միջազգային մի շարք հիթ շքերթներում զբաղեցրել է առաջին հորիզոնականներ և ստացել է մի քանի սերտիֆիկատ։ 2013 թվականի հունիսի 4-ին դուետը թողարկել է իր դեբյուտային՝ «In a Tidal Wave of Mystery» ստուդիական ալբոմը։ Հայաստանում համերգների կազմակերպիչն է Deem Communications ընկերությունը: Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ |