Վրաստանը ոչ թե խստացնում է վիզային ռեժիմը, այլ` բարելավում. Նոր կանոնները ՀՀ քաղաքացիներին չեն վերաբերում22 օգոստոսի 2014 - 14:35 AMT PanARMENIAN.Net - Վրաստանի կառավարությունը, միգրացիոն նոր կարգավորումներ սահմանելով, վիզային քաղաքականությունը խստացնելու նպատակ չի հետապնդում, այլ միգրացիոն հոսքերի կարգավորումը բարելավելու մեխանիզմներ է ստեղծում, հայտարարել են Վրաստանի արտաքին գործերի նախարարության Լրատվության ու տեղեկատվության բաժնում: «Արտասարհամնցիների իրավական կարգավիճակի ու առանց քաղաքացիության անձանց մասին» նոր օրենքը Վրաստանում ուժի մեջ կմտնի սեպտեմբերի 1-ից: «Օրենքի նախագծումը պայմանավորված է երկրում չկարգավորված միգրացիոն գործընթացներով, որոնք ծագել են ծայրահեղ բաց վիզային քաղաքականության արդյունքում: Միևնույն ժամանակ, Եվրամիության հետ մերձեցման գործընթացում հատուկ նշանակություն է ստանում միգրացիոն գործընթացների ճիշտ և մտածված կառավարումը, որը պետք է իրագործվի համապատասխան վիզայի գործընթացների միջոցով»,- հայտարարել են ԱԳՆ-ում, հաղորդում է «Նովոստի Գրուզիյան»: «Ստեղծված առաջնահերթություններն ու փաստերը հաշվի առնելով` օրենքը ոչ թե նպատակ է դնում խստացնել վիզային ռեժիմը, այլ երկիր մուտք գործող արտասահմանցիների հոսքերը կառավարելու համար ստեղծել համապատասխան օրենսդրական բազա և մեխանիզմներ»,- շեշտել են ԱԳՆ-ում: Համաձայն նոր կարգավորումների, այն երկրների քաղաքացներին, որոնց վրա տարածվում է վիզային ռեժիմը, Վրաստանը բազմանգամյա վիզաներ կտա 180 օր ժամկետով` երկրում այդ ժամանակահատվածում ընդհանուր առմամբ 90 օր մնալու թույլտվությամբ: Արտասահմանցիները, ովքեր կցանկանան Վրաստան գնալ ուսման, աշխատանքի կամ ընտանիքի վերամիավորման համար, ավելի երկար ժամկետով երկրում մնալու համար պետք է համապատասխան վիզա ստանան իրենց երկրում վրացական դեսպանատանը: Միևնույն ժամանակ կգործի կեցության թույլտվություն ստանալու կարգը: Առանց վիզայի ռեժիմի դեպքում, որը Վրաստանում գործում է եվրոպական երկրների, ՆԱՏՕ-ի ու ԱՊՀ անդամ-երկրների հետ, ինչպես նաև երկրների, որոնք «Վրաստանի կարևոր գործընկերներն են և որոնց հետ գործում են երկկողմ կամ բազմակողմ համաձայնագրեր», այդ երկրների քաղաքացիները կարող են Վրաստանում առանց վիզայի մնալ կես տարվա կտրվածքով 90 օր: Այսօր գործող օրենքի համաձայն, Վրաստանի տարածքում առանց վիզայի քաղաքացիները կարող են մնալ առավելագույնը 360 օր: Ավելի վաղ հաղորդվում էր, որ 2014-ի սեպտեմբերից Վրաստանը մասնակի վիզային ռեժիմ է սահմանելու Հայաստանի հետ: Դա վերաբերելու է անձանց, որոնք Վրաստան են մեկնելու երկար ժամանակով` բիզնեսի կամ ուսման նպատակով: Ինչպես հայտարարել են Երևանում Վրաստանի դեսպանատանը, գործող վիզային ռեժիմը կպահպանվի Հայաստանի այն քաղաքացիների համար, որոնք Վրաստան են մեկնելու կարճատև ժամանակով` զբոսաշրջության նպատակով: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |