Հայաստանն ու ԱԶԲ-ն ստորագրեցին $37 մլն-ի վարկային համաձայնագիրը 5 սեպտեմբերի 2014 - 17:16 AMT PanARMENIAN.Net - Հայաստանն ու Ասիական զարգացման բանկն այսօր՝ սեպտեմբերի 5-ին, ստորագրել են «Էլեկտրահաղորդման ցանցի վերակառուցման ծրագիր» վարկային համաձայնագիրը, որով Բանկը մեր երկրին մոտ 37 մլն ԱՄՆ դոլար վարկային միոջոցներ կտրամադրի (25 տարի մարման ժամկետով, ներառյալ 5 տարի արտոնյալ ժամկետով, տոկոսադրույքը` տարեկան 2%): Ծրագրի շրջանակում նախատեսվում է ընդլայնել վերահսկման և տվյալների ձեռքբերման SCADA և էներգիայի կառավարման համակարգերը, ինչպես նաև վերակառուցել 220 կՎ «Ագարակ-2» և «Շինուհայր» ենթակայանները: Այնկնպաստի հանրապետության էներգետիկ անվտանգության և սպառողների էլեկտրամատակարարման հուսալիության բարձրացմանը, էներգետիկայի բնագավառում տարածաշրջանային փոխշահավետ գործակցության զարգացմանը:Դրա արդյունքում ակնկալվում է էներգիայի հաղորդման հզորության ուժեղացում: Հաղորդման և դիսպետչերական ցանցը կուժեղացվի` ներքին և արտահանման շուկաների էներգիայի հուսալի և բավարար մատակարարում ապահովելու համար: Հայաստանի անունից համաձայնագիրը ստորագրել են էներգետիկայի և բնական պաշարների նախարար Երվանդ Զախարյանը, Ասիական զարգացման բանկի անունից` Բանկի՝ Հայաստանի մշտական ներկայացուցիչ Դեյվիդ Դոուլը: Ծրագրի ամփոփ նկարագրի համաձայն, դրա նպատակը Հայաստանի էներգետիկ համակարգի գործառնական արդյունավետության բարելավումն ու էներգիայի մատակարարման հուսալիության ապահովումն է: Այն ներառում է երկու հիմնական բաղադրիչ. Առաջինը՝ վերահսկման և տվյալների ձեռք բերման (SCADA) համակարգի ընդալյնում, երկրորդը՝ գոյություն ունեցող ութ ենթակայանի վերակառուցում: Հայաստանը վառելիքի, ինչպես նաև վերականգնվող ռեսուրսների, օրինակ` ջրի, սահմանափակ պաշարների հանածո ունի: Տեղակայված արտադրական հզորությունը 2011-ի վերջին կազմել է ընդամենը 3,900 մեգավատ (ՄՎ): 2011-ի էլեկտրաէներգիայի արտադրության 34% կազմել է ատոմային էներգիան, 34%` հիդրոէլեկտրաէներգիան և 32%` ջերմային էներգիան (օգտագործելով ներկրված բնական գազ): 1990-ականների վերջից բարեփոխումների և ռեստրուկտուրիզացիայի շնորհիվ էներգետիկայի ոլորտը Հայաստանում հասել է նշանակալի արդյունքների: Բաշխման ցանցը և էներգիայի արտադրման ակտիվների մեծ մասը սեփականաշնորհվել են: Ծրագիրն իրականացնելու են «Էլեկտրաէներգետիկական համակարգի օպերատոր» և «Բարձրավոլտ էլեկտրացանցեր» ՓԲԸ-ները, տեղեկացնում են նախարարության մամուլի ծառայությունից: Արդեն իսկ ներդրված SCADA համակարգը լիարժեք գործող ու արդյունավետ դարձնելու նպատակով նախատեսվում է լրացուցիչ մոտ 200 կմ օպտիկամանրաթելքային մալուխ տեղադրել, զգալիորեն ավելացնել համակարգից օգտվողների թիվը, արդիականացնել գոյություն ունեցող ծրագրային փաթեթը և ստեղծել հարևան երկրների համակարգերի հետ տվյալների միջսերվերային փոխանակման հնարավորություն: Նախորդ տարիներին «Շինուհայր» 220 կՎ ենթակայանը մասնակիորեն վերակառուցվել է, ենթակայանում փոխարինվել են 220 կՎ լարման առաջնային սարքավորումները: Տվյալ ծրագրի շրջանակում կփոխարինվեն երկրորդային շղթաները, ռելեական պաշտպանության և ավտոմատիկայի հնացած սարքվածքները, որոնք այլևս չեն բավարարում հուսալի և անվտանգ էլեկտրաէներգիայի հաղորդման պահանջներին: «Ագարակ-2» ենթակայանում, որն անմիջականորեն կապված է իրանական 230 կՎ լարման ցանցի հետ, նախատեսվում է տեղադրել լրացուցիչ 220/110 կՎ ավտոտրանսֆորմատոր, որն էներգահամակարգի տվյալ հատվածում կապ կստեղծի 220 և 110 կՎ լարման էլեկտրահաղորդման գծերի միջև և հնարավորություն կտա 110 կՎ «Ագարակ-1» ենթակայանից սնվող սպառողներին ապահովել էլեկտրաէներգիայի պահուստային սնուցմամբ: Նախատեսվում է ծրագիրն ավարտել 2019-ին: Միաժամանակ Ասիական զարգացման բանկի, «Բարձրավոլտ էլեկտրացանցեր» և «Էլեկտրաէներգետիկական համակարգի օպերատոր» ընկերությունների միջև ստորագրվել է նաև էլեկտրահաղորդման ցանցի վերակառուցման Ծրագրի համաձայնագիրը: Այն մասին, որ Հայաստանը պատրաստվում է Ասիական զարգացման բանկից վարկ վերցնել, հայտնի էր դարձել հունիսին: Վարչապետ Հովիկ Աբրահամյանի` հունիսի 4-ի որոշման համաձայն, Բանկի պատվիրակության հետ էլեկտրաէներգիայի հաղորդման ցանցի վերակառուցման ծրագրի շրջանակում Ասիական զարգացման բանկի կողմից առաջարկվող 37 մլն ԱՄՆ-ի դոլար վարկի շուրջ Երևանում բանակցություններ վարելու նպատակով բանակցային խումբ էր ստեղծվել, որը գլխավորել էր նախարար Երվանդ Զախարյանը: Ըստ որոշման` բանակցային խմբի ղեկավարը լիազորվում է Հայաստանի կառավարության անունից քննարկել էլեկտրաէներգիայի հաղորդման ցանցի վերակառուցման ծրագրի վարկավորման դրույթներն ու պայմանները, ինչպես սահմանված է վարկային համաձայնագրի նախագծով, և բանակցությունների արդյունքում ստորագրել համապատասխան արձանագրություն: Հղումներ թեմայով. Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԵԱՏՄ–ում ռոումինգի գնագոյացման կանոնները կընդունվեն մինչև 2024-ի վերջ Դեռևս մնում են բաց հարցեր Լոնդոնի հետ քննարկվել են Երևանի նոր գլխավոր հատակագծի մշակման հարցեր Քննարկումն ընթացել է Լոնդոնի քաղաքային պլանավորման OUTCOMIST ընկերության հիմնադիր-տնօրեն Քրիս Չոայի հետ Նախարար․ Աշակերտների թիվը դասարաններում կկրճատվի Միջին դպրոցում աշակերտների թիվն առավելագույնը կլինի 25, իսկ ավագ դպրոցում՝ 20 Եվրախորհրդի անվտանգության հարցերով կոմիտեի անդամները կայցելեն ՀՀ Նրանք կլինեն նաև Ադրբեջանում և Վրաստանում |