Ցինկեր. Այսուհետ Իսրայելի դիվանագիտության ջանքերն ուղղված կլինեն Թուրքիայի իրական դեմքի բացահայտմանը10 սեպտեմբերի 2014 - 14:40 AMT PanARMENIAN.Net - Ատելությունն Իսրայելի դեմ Թուրքիայի նորընտիր նախագահ Ռեջեփ Թայիփ Էրդողանի նախընտրական արշավի գլխավոր դրույթն էր: Երբ նրա հռչակած «զրո խնդիրներ հարևանների հետ» քաղաքականությունը հանգեցրեց բազում խնդիրների սահմանակից երկրների, Եվրամիության անդամների հետ, Իսրայելն այդ ֆոնին շատ հարմար թիրախ էր թշնամու կերպարի համար, հայտարարել է Ընտրական համակարգերի միջազգային կենտրոնի (ICES) նախագահ, Արևելյան Եվրոպայի և ԱՊՀ երկրների ինստիտուտի տնօրեն Ալեքսանդր Ցինկերը: Ցինկերը հիշեցրել է, որ Գազայում վերջին հակամարտության ժամանակ Էրդողանը մեղադրեց Իսրայելին պաղեստինցիների դեմ «պետական ահաբեկչության» մեջ: Նա հայտարարեց, որ հարաբերությունների կարգավորում Իսրայելի ու Թուրքիայի միջև այժմ լինել չի կարող: Սակայն, ըստ Ցինկերի, նույնիսկ այս իրավիճակում, չնայած, որ Անկարայի ու Թել Ավիվի հարաբերությունները որակապես վատթարացել են, Իսրայելում շարունակում է գործել ուժեղ լոբբի, որը փորձում է թույլ չտալ, որ հարաբերություններն ավելի սառեն. «Սակայն, բարեբախտաբար, համբերությունն ամեն դեպքում վերջ ունի»: Ինչպես հայտնում է իսրայելյան NRG պորտալը, վերջին 5 տարում պաշտոնական Երուսաղեմը, հույս ունենալով, որ թուրք-իսրայելյան հարաբերությունները կջերմանան, ձեռնպահ էր մնում կտրուկ արտահայտություններից Էրդողանի ու թուրք բարձրագույն մյուս ղեկավարների հասցեին: Սակայն, երբ թուրքական իշխանությունները բացահայտ կերպով սատարեցին ՀԱՄԱՍ-ին, Երուսաղեմը որոշեց խախտել լռությունը: Իսրայելն այլևս մտադիր չէ ձեռնպահ մնալ թուրք ղեկավարության բացահայտ քննադատությունից: Այսուհետ Իսրայելի դիվանագիտության ջանքերն ուղղված կլինեն ՆԱՏՕ-ի անդամ և ԱՄՆ դաշնակից Թուրքիայի իրական դեմքի բացահայտմանը: Օգոստոսի սկզբին Memur-Sen պետծառայողների թուրքական արհմիությունը, որը մոտ է կանգնած երկրի իշխանական կառույցներին, դիմեց դատարան՝ պահանջելով քաղաքացիությունից զրկել տեղացի հրեաներին, որոնք Իսրայելի անձնագիր ունեն և ծառայել են ՑԱԽԱԼ-ի շարքերում: Արհմիության փոխղեկավար Ահմեդ Օզերը հայտարարեց, թե նրանց, ովքեր ցեղասպանություն են գործել աշխարհի աչքի առաջ, հարկավոր է զրկել քաղաքացիությունից, ձեռնաշղթաներ հագցնել ու դատի տալ: Դատարան դիմելուց առաջ հրապարակած կոմյունիկեում Օզերը դատապարտել է սիոնիստական բարբարոսների կողմից զանգվածային սպանություններն ու ցեղասպանությունը «Գազայի հատվածի մեր եղբայրների դեմ»: Նախագահական ընտրությունները Թուրքիայում տեղի են ունեցել օգոստոսի 10-ին: Ընտրություններում հաղթեց գործող վարչապետ Ռեջեփ Թայիփ Էրդողանը, որը հավաքեց ընտրողների ձայների 51,8 տոկոսը: Թուրքիայի գործող նախագահ Աբդուլլահ Գյուլի լիազորությունները սպառվել են օգոստոսի 28-ին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում Սերժ Սարգսյան․ Ցեղասպանության հարցը սակարկման ենթակա չէ, միայն իշխանազավթներին հեռացնելը կկանխի պետականության կործանումը Նա նշել է, որ միայն օր առաջ համազգային ընդվզումով կապիտուլյանտ իշխանազավթներին հեռացնելը կարող է կանխել պետականության կործանումը Փաշինյան․ Մեծ եղեռնը դատավճիռ չէ՝ պետք է դադարենք հայրենիքի փնտրտուքը, որովհետև գտել ենք այդ հայրենիքը «Մեծ եղեռնը, հայրենազրկումը դատավճիռ չէ մեզ համար, որ պիտի կրենք որպես կորուսյալ հայրենիքի շարունակական փնտրտուք»,–նշել է նա Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» |