ՄԱԿ խոշտանգումների կանխարգելման ենթակոմիտեն ստիպված է եղել դադարեցնել աշխատանքն Ադրբեջանում18 սեպտեմբերի 2014 - 10:47 AMT PanARMENIAN.Net - ՄԱԿ մարդու իրավունքների խումբը, որը ստուգում է խոշտանգումների փաստերն Ադրբեջանում, ստիպված է եղել դադարեցնել աշխատանքը, քանի որ նրա մուտքը որոշ ուղղիչ հաստատություններ կասեցվել է: Խմբի հայտարարության մեջ ասվում է, որ իշխանությունների գործողությունները հակասում են այն հայտարարություններին, որ ՄԱԿ ներկայացուցիչների գործունեությունն այդ հաստատություններում կապահովվի: Հինգ անկախ փորձագետներից բաղկացած խումբը նշել է նաև, որ հեռացվել է աշխատանքից որոշ տեղերում, ուր նրան սկզբնական շրջանում թույլ են տվել մուտք գործել: Ըստ խմբի հայտարարության, այցն այն աստիճանի վարկաբեկվեց, որ նրանք ընդհատեցին սեպտեմբերի 14-ի առաքելությունն ավատրից մի քանի օր առաջ, հայտնում է reuters-ը: Հայտարարության մեջ մանրամասներ չեն բերվում, թե խոշտանգում են արդյոք կալանավորներին բանտերում, ուր փորձել են այցելել հանձնաժողովի անդամները: Օգոստոսին Amnesty International-ը հայտարարել է, որ ձերբակալված քաղաքացիական ակտիվիստները նոր օրենքի զոհ դարձան, որով սահմանափակվում են ազատ արտահայտման պաշտպանությանն ուղղված քաղաքացիական հասարակության գործողությունները: 2013-ի հոկտեմբերին տեղի ունեցած նախագահական ընտրություններից հետո Ադրբեջանի կառավարությունը քաղաքական ընդդիմադիրներին ու ակտիվիստներին ճնշելու արշավ սկսեց: Մի շարք օրենքներում ուղղումներ կատարվեցին ՈԿԿ գործունեության վերաբերյալ: 2014-ի կեսերին Ադրբեջանում կտրուկ աճեցին քաղաքական դրդապատճառներով ձերբակալությունները: Հուլիսի 30-ին Լեյլա Յունուսին ձերբակալեցին պետական դավաճանության, հարկերի վճարումից խուսափելու, ապօրինի ձեռնարկատիրության, փաստաթղթեր կեղծելու և խոշոր չափի խարդախության մեջ: Նրա ամուսնուն՝ Արիֆ Յունուսին ձերբակալեցին օգոստոսի 5-ին, երբ նրան մեղադրանք ներկայացվեց պետդավաճանության և խոշոր չափի խարդախության համար: Լեյլա Յունուսը Բաքվի Խաղաղության ու ժողովրդավարության ինստիտուտի տնօրեն է, զբաղվում է քաղբանտարկյալների պաշտպանությաբ, ինչպես նաև Հայաստանի հետ երկխոսության հաստատման ու ժողովրդական դիվանագիտության նախաձեռնողներից է, ինչն էլ առիթ հանդիսացավ նրան պետական դավաճանության մեջ մեղադրելու համար: Ավելի վաղ Ազգային անվտանգությունը ձերբակալել է հայտնի լրագորղ Ռաուֆ Միրկադիրովին՝ Հայաստանի համար լրտեսելու մեղադրանքով: Նա այդ հանցագործությունն իբր կատարել է 2008-2009 թվականներին, հայերին կարևոր փաստաթղթեր հանձնելով Խաղաղության ու ժողովրդավարության ինստիտուտի կազմակերպած միջոցառման շրջանակում, որի ղեկավարն է Լեյլա Յունուսը: Ուստի, հավանաբար, Յունուսներին ցանկանում են մեղադրել մեղասակցության մեջ: Վերջին տարիներին ձերբակալվել է առնվազն 40 լրագրող, քաղաքացիական և քաղաքական ակտիվիստներ ու իրավապաշտպաններ տարբեր շինծու մեղադրանքների հիման վրա: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |