Քոչարյան-Ալիեւ հանդիպմանը Բուխարեստում ոչ մի առաջընթաց չի արձանագրվել

PanARMENIAN.Net - Հայաստանի ու Ադրբեջանի նախագահներ Ռոբերտ Քոչարյանի ու Իլհամ Ալիեւի հանդիպմանը Բուխարեստում ոչ մի առաջընթաց չի արձանագրվել: Այդ մասին հայտարարել է Հայաստանի արտգործնախարար Վարդան Օսկանյանը: Նրա խոսքերով, հարցերը, որոնց առումով նախագահները համաձայնության չէին եկել Ռոմբուեյում, Բուխարեստում եւս չեն կարգավորվել` չնայած ԵԱՀԿ Մինսկի խմբի նոր ձեւակերպումներին ու մոտեցումներին: Ընդ որում, նա նշեց, որ Ռոբերտ Քոչարյանի ու Իլհամ Ալիեւի հանդիպումը նորմալ մթնոլորտում է անցել: «Այնուամենայնիվ, երկու երկրների արտգործնախարարներին հանձնարարվել է շարունակել Լեռնային Ղարաբաղի հակամարտության կարգավորման բանակցությունները եւ փորձել շփման կետեր գտնել մինչեւ Հայաստանի ու Ադրբեջանի նախագահների հերթական հանդիպումը»,- ավելացրել է Վարդան Օսկանյանը:
 Ուշագրավ
Սողոմոնյանն ասել է՝ գերադասում է տեղեկություններն ամբողջացնել, հետո նոր մեկնաբանել
Գրիգորյանը նշել է, որ նախորդ իշխանությունն օգտագործել է տարբեր գործիքներ և մարդկանց՝ հեղաշրջման փորձի համար
Փաստաբանի և նրա վստահորդների խոսակցությունը գաղտնալսվել և կցվել է քրգործին
Կառավարությունը դեմ է, պատգամավորների մի մասը` կողմ Ոստիկանությանը գաղտնալսման հնարավորություն տալու նախագծին